ABSTRACT GRAPHIC GALLERY အရူးပန်းချီပြခန်း

စကားအွန်လိုင်း

Idea Magazine
Issue : June 2004, Page-157
Editor : Chan Minn Ein
Illustrator : Saw Minn Wai
ကတီတီတီ … တီ၊ ကတီတီတီ …..
“ဟဲလို… အခုစကားပြောနေတာ ဘယ်သူပါလဲ”
“သမီးတို့နဲ့ စကားအွန်လိုင်းအစီအစဉ်ကနေ လက်ခံစကားပြောဖို့ အလှကျလာတဲ့ ဆရာကြီး ဂုရုပွေးပါ”
“ဟယ် … ပွေးပွေးကိုယ်တိုင်လား။ ၀မ်းသာလိုက်တာ။ မီးတို့က ပွေးနဲ့အခုလို အရှင်လတ်လတ်ကြီး စကားပြောချင်နေ တာ ကြာပေါ့”
ဂလု ..။ တစ်ဖက်မှ တံတွေးမျိုချသံ မကြားမိစေရန် စကားပြောခွက် လက်နှင့်အုပ်ကာ ထားလိုက်ရ၏။
“ကဲ၊ ဘာပြောမလဲ …ပြောလေ။ ကြက်အရှင်တွေ ခြင်းထဲထည့်ရောင်းတဲ့ ကြက်သားဆိုင်လို သဘောထား။ အားရပါးရ ပြောပေတော့”
“ပွေးပွေးရေးတဲ့ သရော်တော်တော်တွေ မီးတို့အဖွဲ့သိပ်ခိုက်။ ဟိုလေ … `ခုံဖိနပ် ရှပ်တိုက်စီး … လိုင်းကားစီး အဆဲခံ… စပယ်ရာမှန်သမျှ ကျန်းမာကြပါစေ`ဆိုတဲ့ လုံးချင်းဝတ္ထုရှည်ကြီးဆို မီးတို့သိပ်ကြိုက်”
“ဟုတ်ပါလိမ့်မယ်။ အဲဒီဝတ္ထုရေးဖို့ ကိုယ်တိုင်ကွင်းဆင်း လေ့လာပါတယ်။ တစ်နေ့ကို ဘတ်စ်ကား အသွားအပြန်ခေါက် ရေ နှစ်ဆယ်ကျော်စီးပြီး အတွေ့အကြုံရှာဖွေပါတယ်။ ဘတ်စ်တိုးစီးရလို့ တစ်လအတွင်း ဖိနပ်သုံးရံ ပြတ်ပါတယ်”
“ဟယ် … ဒါဆို ပွေးက သက်သက်မဲ့ ဘတ်စ်တိုးစီးနေရတာပေါ့”
“အဲသလိုတော့လည်း ဟုတ်ပါဘူး။ အသက်ကြီးမှ အိမ်ထောင်ကျတာဆိုတော့ မူလတန်းအရွယ်ကလေးနှစ်ယောက် ကျောင်းပို့ကျောင်းကြိုက နှစ်ခေါက်။ ထမင်းဘူးပို့ချိန် တစ်ခေါက်။ မုန့်စားဆင်းချိန် တစ်ခေါက်။ ကျူရှင်လိုက်ပို့တာ တစ်ခေါက်။ ကျူရှင်ပြန်ကြိုတာ တစ်ခေါက်။ ကလေးတွေ အိမ်ပြန်ရောက်တော့ ရောက်တတ်ရာရာ သူငယ်ချင်းတွေဆီ တစ်ခေါက် …”
“ပြီးတော့ရော …”
“မီတာဆောင်စရာရှိရင် တစ်ခေါက်။ မဒမ်ဈေးဝယ်သွား ဆားထုပ်မေ့ကျန်လို့ တစ်ခေါက်။ နောက်ပြီး …”
“ဟင်းဟင်း … တော်ပါတော့။ တော်တော်ကရိကထများတဲ့ ပွေးပဲ”
“ဟင်း ဟင်း …ဟဲဟဲ။ ညှင်းညှင်း …၀ဲဝဲ”
“ဒါဆိုဒါပဲနော် …သုံးမိနစ်အချိန် စေ့သွားပြီလား။ နောက်လူတွေ အလှည့်ပေးလိုက်ဦးမယ်။ တာ့တာ”
“ဘိုင့်ဘိုင်”
ဂလွပ် …..
x x x x x
ကတီတီတီ ..တီ . ကတီတီတီ …ရွှီ …ရှဲရှဲ၊ ဖလပ် ဖလပ်။
“ဟဲ့ ဘယ်ကငှက်တွေ အိပ်တန်းဆင်းကုန်ကြသလဲ”
တစ်ဖက်မှ ကုန်းတက်အင်ဂျင်ညှစ်နေသည့် ဒေါ့ဂျစ်ခေါင်းတိုသံစူးစူးလေး ထွက်လာသည်။
“ပွေးလေး စကားပြောနေတာလား။ အဖွား လှိုင်သာယာက ဖုန်းဆက်နေတာ။ မိုးတွင်းဆိုတော့ လိုင်းတွေသိပ်မကောင်း ဘူး။ ဖြစ်နိုင်ရင် နည်းနည်းကျယ်ကျယ်လေး ပြန်ပြောပေးပါလား”
အမလေး၊ သောတရှင်အပေါင်းတို့ရေ… ခပ်ဝေးဝေးကသာ နားထောင်ပေရော့။
“ဟုတ်ကဲ့အဘွားရေ။ မီဂါပါဝါနဲ့ အော်ပြောနေပါတယ်။ ဒီက အစီအစဉ်ပြီးရင် အီးအမ်ဂျီမှာ ရော့ခ်အတွဲတစ်ခွေ သွားဆို မှာဆိုတော့ အံကိုက်ပဲ အဘွားရေ”
“ဟို၊ ပွေးလေးရေးတဲ့ လှိုင်သာယာ မတုတ်ကြီး ၀တ္ထုရှည်အကြောင်း သိချင်လို့”
“ဟုတ်တယ် အဘွားရေ။ မီးခွက်ဈေးမှာ ဘိန်းမုန့်သွားရောင်းတုန်းက အတွေ့အကြုံတွေပါ”
“ဟယ် … ဒါနဲ့များ ကြုံတုန်း အဘွားတို့အိမ်ဘက်များ လှည့်ဝင်ခဲ့ပါတော့”
“အဲဒီတုန်းက အဘွားနဲ့ကျွန်တော် မသိသေးဘူးလေ။ အခုမှ အဘွားနဲ့ သိနေတာ”
“ဘွာတေး … ဘွာတေး။ အဘွားသူငယ်ပြန်ချင်နေပြီလား သိပါဘူးကွယ်”
“အွန်လိုင်းဖုန်းကို သူများတွေနဲ့အပြိုင် ခေါ်နိုင်သေးတာ။ အကောင်းကြီးရှိပါသေးတယ် အဘွားရဲ့”
“သာဓုပါတော် …၊ သာဓုပါ … သာဓု”
x x x x x
ကတီတီတီ ..တီ . ကတီတီတီ …တီ
“ဆရာပွေး စကားပြောနေပါတယ်”
“ဦးပွေးလား မီးတို့ဆက်နေတာကြာပြီ”
“ဟုတ်တယ် ဟုတ်လိမ့်မယ်”
“ဒါနဲ့ …မီးက ဘယ်နှယောက်မြောက်လဲဟင်”
“အဲဒီမေးခွန်းကြီးမေးမယ့်အစား တခြားမေးပါဟယ်။ ကြားရတာ အူယားလွန်းလို့”
“ကြည့်စမ်း၊ အသားယူနေပြန်ပြီ။ တော်ပြီ ပြောချင်တော့ဘူး”
ဂလွပ် …ဒုန်း …
ဂလွပ်သည် ဖုန်းဆောင့်ချလိုက်သံဖြစ်ပြီး။ ဒုန်းသည် မီးတို့အိမ်မှ ဖုန်းတင်ထားသည့်ခုံ သို့မဟုတ် အနီးအနားရှိ စားပွဲ တစ်လုံးကို ကန်ထည့်လိုက်ခြင်း ဖြစ်ပေလိမ့်။
x x x x x
ကတီတီတီ ..တီ . ကတီတီတီ …တီ
ဒီတစ်ခါတော့ အပေါမမှားအောင် သတိထားရပေမည်။
“ဟုတ်ကဲ့ အမိန့်ရှိပါ”
“ရေနဲ့မိလ္လာဌာနကပါလားရှင်”
ဖွတ်ကရီး …. သေလိုက်ဟ။
x x x x x
ကတီတီတီ ..တီ . ကတီတီတီ …တီ
“စာရေးဆရာ ဦးပွေးနဲ့ စကားပြောချင်လို့ပါ”
“ဟုတ်ကဲ့ ကျွန်တော်ပြောနေပါတယ်”
…. ……….. …………
“ပြောလေ။ ဘာပြောမလဲ … ပြော”
“အင်း … ခေါ်သာခေါ်လိုက်ရတယ်။ ဘာပြောရမှန်းမသိတော့ဘူး”
“စိတ်လှုပ်ရှားနေလို့ ဖြစ်မှာပါ။ ကိုယ်သိချင်တာ၊ မေးချင်တာလေးတွေ စာရွက်ပေါ် ကြိုတင်ရေးချထားသင့်တယ်”
“ဟုတ်တယ် … ဟုတ်တယ်။ ဒါပေမဲ့ နောက်တစ်ခါ ထပ်ဆက်ဖို့ မလွယ်ဘူး”
“ဒီလိုလုပ်လေ။ ဆရာရေးထားတဲ့ ၀တ္ထုတိုရှည်တွေထဲက ဘယ်ဟာကြိုက်တယ်။ ဘယ်ဟာမကြိုက်ဘူး ဝေဖန်ပေးပေါ့။ စာဖတ်သူရဲ့အသံ ကြားရတာလောက် ကောင်းတဲ့ဝေဖန်ရေး မရှိသေးဘူး ထင်ပါတယ်။ ကဲ၊ ဆရာ့ရဲ့ ဘယ်ဝတ္ထု ဖတ်ဖူးသလဲ”
“အဲသလိုတော့လည်း တစ်အုပ်မှ မဖတ်ဖူးသေးပါဘူး။ ဟို .. ဖတ်ထားဖူးတဲ့ သူငယ်ချင်းက ဇာတ်လမ်းလေးတွေ ပြောပြတာတော့ နားထောင်ဖူးပါတယ်။ နာမည်လဲကြားဖူးလို့ ဖုန်းဆက်ကြည့်တာပါ။ အဲဒီထဲမှာ အားရာရားဆိုတဲ့ ဇာတ်ကောင် လေးက အတော်ရယ်ရတယ်။ အဲဒါ ဆရာကြီးကိုယ်တိုင်လား”
“စာရေးဆရာဆိုတာ ဇာတ်ရုပ်တစ်ရုပ်ရဖို့ တစ်ခါတစ်လေ တရုတ်ဆေးကျိုရသလိုပါ။ အမယ်အတော်စုံပါတယ်”
“ဆရာ့ဓာတ်ပုံ မဂ္ဂဇင်းမှာ ဖော်ပြပေးပါလားဟင်”
“ရပါတယ်။ သမီး ဘယ်မဂ္ဂဇင်းအဖတ်များလဲ။ အဲဒီမှာ သမီးနဲ့တကွ ဆရာ့စာဖတ်ပရိတ်သတ်ကြီးအတွက် ဖော်ပြပေးပါ့ မယ်”
“ဓမ္မဗျူဟာ”
ဂွပ် ….
ဒီတစ်ခါ ဆရာပွေးလက်ထဲမှ ဆတ်ခနဲ ဖုန်းလွတ်ကျသွားခြင်းဖြစ်သည်။
x x x x x
ကတီတီတီ ..တီ . ကတီတီတီ …တီ
“ဆရာလား”
“ဟုတ်ပါတယ်ခင်ဗျာ။ အခုဆက်နေတာ ဘယ်သူလဲ။ နာမည်လေး ပြောပြပါဦး”
“ဆက်နေတာကြာပြီ၊ အခုမှ ခေါ်လို့ရတယ်။ မာမီကတောင် ပြောနေတာ။ ထမင်းပွဲကြီးတန်းလန်းနဲ့ တော်တော်ကြွနေ တယ်တဲ့။ ဆရာရယ် တာဝန်ရှိသူတွေကို ပြောပြလိုက်ပါ။ ထမင်းစားချိန်ကြီး မစီစဉ်ပါနဲ့လို့”
“ဟုတ်ကဲ့။ ပြောလိုက်ပါမယ့် ခင်ဗျာ”
“ဆရာရယ် … နွယ်လေ `ဗွေးဒုတ်၊ ဆွာမိ၊ ကိုကျင်ဟိ`ဆိုတဲ့ သုံးပွင့်ဆိုင် အချစ်ဟာသဇာတ်မြူးလေးကစပြီး အားပေး လာခဲ့တာ။ ဆရာ အခုလို အောင်မြင်ကျော်ကြားတဲ့ ဟာသဆိုင်ရာအကယ်ဒမီဆုကြီးသုံးဆု ဆက်တိုက်ရခဲ့တဲ့အထိပဲ”
“စာပေကို မပြတ်လပ်တဲ့အတွက်လည်း လေးစားပါတယ် ခင်ဗျာ”
“ဆရာ တစ်ခါကရေးခဲ့တဲ့ `သေရည်သောက်သောသူ သေတင်းကုတ်သို့ သွား၏`ဆိုတဲ့ အဘိဓမ္မာဝတ္ထုရှည်ကြီးထဲက မြနန်းဒေ၀ီ ဟော်တယ်အိမ်ကြီးက တရုတ်တန်းဘက်မှာ မြင်ဘူးသလိုလိုပဲနော်”
“ဆရာ စာရေးရင် အတ္ထုပ္ပတ္တိစာပေမဟုတ်တဲ့အတွက် ဇာတ်ရုပ်ဇာတ်ကောင်နဲ့ နောက်ခံပတ်ဝန်းကျင်အားလုံး စိတ်ကူး နဲ့ ဖန်တီးပါတယ်”
“ကျေးဇူးပဲ ဆရာရယ်။ ဆရာ အခုဘာတွေ ရေးသားဖန်တီးနေပါသလဲ။ နွယ် သိခွင့်ရှိရင် သိပါရစေ”
“ဟုတ်ကဲ့၊ ဒီလကုန် ဥရောပဘက် ခရီးထွက်စရာရှိနေပါတယ်။ အဲဒီမှာ ခရီးသွားရင်း တစ်ခုခု ရေးဖြစ်ရင် ရေးဖြစ်မယ်။ ဒါမှမဟုတ် ပြန်လာမှ ရလာတဲ့အတွေ့အကြုံတွေစုပေါင်းပြီး လုံးချင်းတစ်အုပ်။ ခရီးသွားမှတ်တမ်းတစ်အုပ်။ အနည်းဆုံး နှစ်အုပ် သုံးအုပ်လောက်တော့ ရေးဖြစ်ပါလိမ့်မယ်”
“၀မ်းသာပါတယ် ဆရာ။ ဒါပဲနော် … ပါရီရောက်ရင် နွယ်ဖို့ အီဖယ်လ်မျှော်စင်လေး လက်ဆောင်ဝယ်ခဲ့ဖို့ မမေ့နဲ့”
x x x x x
ကလင်လင်… တင်. .. ကလင်လင် … လင်….
`ဒုန်း`
`ပဲပြုတ် …. ပဲပြုတ်`
လေးနာရီနှိုးစက်သံနဲ့အတူ အိပ်ရာမှကမန်းကတန်းအထ မိုးရေခံဒန်ဇလုံကြီး ၀င်တိုက်မိခြင်း ဖြစ်လေသည်။
“တော့်မလဲတော်။ အမြဲတန်း ပျာရီးပျာယာနဲ့၊ အငယ်ကောင်လေး ညကဖျားလို့ ကောင်းကောင်းအိပ်ရသေးတာ ဟုတ် ဘူး။ လန့်နိုးသွားပါ့မယ်တော်”
“အေးပါဟာ။ ငါလဲ ဘတ်စ်ကား တစ်နာရီကျော်ကျော် စီးရမှာဆိုတော့ လောနေလို့ပါကွာ”
“လောမနေနဲ့တော်ရေ၊ မြို့ထဲရောက်တုန်း မဂ္ဂဇင်းမှာ စာမူပါလားမေးပြီး ပိုက်ဆံထုတ်ခဲ့ဦး။ တလက်စထဲ စာအုပ်ပါ တစ်ခါထဲရောင်းခဲ့။ အိမ်ယူလာပြီး ဇိမ်ခံဖတ်မနေချင်နဲ့ဦး”
“ရှူး .. တိုး ..တိုး။ နင်ကလည်း စာဖတ်သူတွေ ကြားသွားပါဦးမယ်ဟာ”
“ကြားလဲ တတ်နိုင်ဘူးတော်ရေ့။ ရှင်ပြန်လာမှ ဆန်ဝယ်ရမှာ။ သွက်သွက်သာ ပြန်ခဲ့။ ညနေထိ အချိန်ဆွဲပြီး အရည် တွေ မျိုဆို့မနေနဲ့ဦး”
“တယ် … ဒီမိန်းမ၊ ငါလုပ်လိုက်လို့။ အိပ်မက်လေး အရသာပျက်သွားမှာ စိုးလို့ပေါ့ကွာ …. တောက် …”

အားရာရား

ကျန်စု အချိုရည်

Beauty Max Magazine
Issue : Issue 48, January 2008. Page-224-B
Editor : Ko Toe
Illustrator : Nothing

ကိုဝင်းမြင့်က ဗီဒီယိုပလေယာလေးလိုချင်တယ်ပြောလို့ ပန်းဆိုးတန်းတစ်ဝိုက် လမ်းလျှောက်ကြတယ်။ ပေါချောင် ကောင်းလိုချင်နေတဲ့လူမို့ စိတ်ကြိုက်မတွေ့ပဲ မ၀ယ်ဖြစ်ပါဘူး။ ခင်ဗျားအိပ်ကပ်ပါးပါးလေးနဲ့ ဒါပဲရမယ်လေ။ ၀ယ်မှာသာ ၀ယ်လိုက်စမ်းပါ။ ဘယ်လောက်ပဲ ပြောပြော “ တစ်ရက်နှစ်ရက်နဲ့ ပျက်သွားမှာတော့ အလကားရတောင် ပြင်ခကုန်ဦးမှာမို့ မယူဘူးကွာ”တဲ့။ အတော်ဆိုးတဲ့လူ။ လက်ဖက်ရည်လေးတစ်ခွက် သောက်ရမလားဆိုပြီး ခြေညောင်းခံလိုက်လာပါတယ်။ အလကားပဲ။
လျှောက်ရင်းလျှောက်ရင်းနဲ့ ၃၃ လမ်းထိပ်၊ ခရေပင်အောက်ရောက်တော့ ခြေဖ၀ါးတွေ ပူလှသကွာတဲ့။ သူစီးလာတဲ့ သားရေဖိနပ်အစုတ် ချွတ်တဲ့ပြီး ဖင်ခုထိုင်ချလိုက်တယ်။
“ဟေ့လူ … ဒါ ခင်ဗျားငယ်ငယ်ကနေခဲ့တဲ့ သာကေတီးယားတို့၊ အခုနေနေတဲ့ အလုံဗိလေ့ခ်ျ တို့ မဟုတ်ဘူး။ မြို့လည်ကြီးဗျ၊ ရှက်စရာ ..” ။ ဒီလိုဆူငေါက်လိုက်ပေမယ့်လည်း ဆံပင်ကောက်ကောက်၊ ဖင်ကောက်ကောက်နဲ့ အိန္ဒိယနွယ်ဖွား လေးက နှုတ်ခမ်းထူတွဲတွဲ တဟဟလုပ်ရင်း၊ “အေးလေ၊ မင်းလည်း တရုတ်တန်းမှာ ငုတ်တုတ်ထိုင်ပြီး တုတ်ထိုးစားလိုက်၊ ဆန်ပြုတ်သောက်လိုက် လုပ်နေတဲ့ကောင်ပါကွာ။ ဟား …ဟ ”
“လာဗျာ၊ အိနြေ္ဒရရ လက်ဖက်ရည်ဆိုင် ထိုင်ရအောင်”။ “ဟာကွာ၊ ဗိုက်လည်းမဆာပဲနဲ့ အလကားပိုက်ဆံကုန်တယ်”
ဒီလူကတော့ အိပ်ထဲကပိုက်ဆံ တစ်ပြားမှ မထွက်အောင်ကြိုးစားနေပြီ။ မတတ်နိုင်ဘူး။ ဒီနားမှာတော့ ရုပ်ပျက်ဆင်း ပျက် ထိုင်မနေနိုင်ဘူး။ “လာပါဗျာ …လေထန်ကုန်းမှာဆိုရင် ရေနွေးကြမ်းချည်း ထိုင်သောက်နေလို့ရတယ်။ ကိုမျိုးသိမ်းက သဘောကောင်းပါတယ်။ စားပွဲထိုလေးတွေ အော်အော်နေလို့ နားငြီးတာပဲရှိမယ်”
“အဲဒါလည်း မကောင်းပါဘူးကွာ။ မင်း ဒီအပင်အောက် မထိုင်ချင်ရင် ဟိုငေးဒီငေး လမ်းလျှောက်ရင်း စကားပြောကြ မယ်။ ပိုက်ဆံလည်း မကုန်ဘူး။ ကျန်းမာရေးနဲ့လည်း ညီညွတ် .. ဟီ …ဟိ”
“အေးဗျာ၊ ခင်ဗျား ကျွန်တော့်အတွက် အလုံထဲမှာ အိမ်ခန်းလေးလိုက်ရှာပေးတုန်းက ကျန်းမာရေးနဲ့ ညီညွတ်သလား မ မေးနဲ့။ ပွဲစားတွေ တပြုံကြီးနဲ့ ဒီဇင်ဘာလမ်းလျှောက်ပွဲ …”
“မဟုတ်ဘူး၊ မင်းတို့အညာ ရှင်လောင်းလှည့်”
+ + + + +

လျှောက်မိလျှောက်ရာ ပလက်ဖောင်းပေါ် ဟိုငေးဒီတိုး၊ ဟိုကြည့်ဒီတိုက်၊ ပလက်ဖောင်းပေါ်က ပုရွက်အုံကြီးထဲ။ လမ်းသုံးဆယ် ကျော်လာခဲ့ပြီ။ ဟေ့လူ ကိုဝင်းမြင့် `မိုးပျံခေါက်ဆွဲ ၀ယ်ကြွေးပါလားဗျာ။ ဟာ … ဟိုမှာ ရွှေညောင်ပင် ကြက်သားသုတ်။ ကားမှတ်တိုင်အမိုးအောက်မှာ စမူဆာသုပ်၊ ဘယာကြော်သုပ် …`
သုတ်သုတ်သွားနေရင်း ကလေးတစ်ယောက်အမူအရာနဲ့ နောက်ပြောင်နေမိ။
“ဟေ့လူ၊ ဗိုက်ဆာနေပြီ။ ဘာစားရမှာလဲ”
“ဗီတာမင်တွေ အားကြီးပါတဲ့ ငါ့အီအီးတွေစား”
“ဖွီ … ယုတ်မာတဲ့လူကြီး၊ ဟေ့လူ သိမ်ကြီးဈေးကျော်ပြီး လသာရောက်လာပြီ။ မထူးတော့ပါဘူး၊ လမ်းမတော် ထိ ဆက်လျှောက်ပြီး မောင်တိုးရဲ့ မုန့်ဆိုင်လေးသွားရအောင်။ အအေးလေးဘာလေး လျှာတစွတ်တော့ သောက်ရမှာ ပေါ့”
လမ်းမတော် ၁၀ လမ်းနဲ့ မဟာဗနုလလမ်းထိပ်မှာ ရွှေရည်ဦးနာမည်နဲ့ သွားရည်စာမျိုးစုံ၊ အအေးပုလင်းမျိုးစုံ ရောင်းတဲ့ ဆိုင်လေးရှိဗျ။ မိတ္တူကူးစက်ရှိဗျ။ တယ်လီဖုန်း ဆက်လို့ရဗျ။ အဲဒီအထိ နေပူမှာ ခြေပူရင်ဆူ လမ်းလျှောက် သွားရင် အမောပြေ ရေခဲစိမ်အအေးလေး နှစ်ယောက်တစ်လုံးတော့ ပေးသောက်မှာပါ။
“ဒီနားက လမ်းလျှောက်လို့ ကောင်းတယ်ကွ”
ရန်ကုန်ပြည်သူ့ဆေးရုံကြီး သူနာပြုဆောင်ရှေ့၊ အုတ်တံတိုင်းမြင့်မြင့်ကြီးတွေဘေး ပလက်ဖောင်းကျယ်ကျယ် ကြီးတွေပေါ်ရောက်တော့ ဆံပင်ကောက်ကောက်၊ ဖင်ကောက်ကောက်နဲ့ ကာတွန်းရုပ်လိုဆတ်တောက် ဆတ်တောက် လမ်းလျှောက်တတ်တဲ့ ကိုဝင်းမြင့်က တဖွဲ့တနွဲ့ပြောလှာတယ်။
“ဟုတ်တယ်ဗျာ…၊ အုတ်တံတိုင်းမြင့်မြင့်ကြီးရဲ့ လုံခြုံမှုရယ်၊ သင်းပျံ့တဲ့ ခရေပင်တန်းလေးရယ်၊ ကိုယ်နဲ့ ရင်ဘောင်တန်းဖြတ်သန်းနေရတဲ့ အလျင်စလိုနိုင်လှတဲ့ မြို့ပြအငွေ့အသက်တွေရယ် …၊ ၀ိရောဓိ အလှတွေဗျာ”
“မဟုတ်ဘူး၊ မင်းပါးစပ်က စားစရာမမြင်နိုင်တော့လို့”
“လူယုတ်မာကြီးပဲဗျ၊ လျှာခံတွင်းကိုတောင် သဒ္ဓါရင်းစွဲမရှိတဲ့လူ”
လမ်းမတော် အနော်ရထာမီးပွိုင့်ဖြတ်မကူးခင် ဒီလိုစဉ်းစားမိတယ်ဗျ။ “အနို့နေစမ်းပါဦး ကိုဝင်းမြင့်၊ ကျုပ်တို့ အနာဂါတ်ကို ဘယ်လိုကြိုတင်ပြင်ဆင်မှုတွေနဲ့ ရင်ဆိုင်သွားကြမလဲ”
“လမ်းမတော်လမ်းကို မီးနီပြမှ လမ်းဖြတ်ကူးမယ်။ မကူးခင် ဖရီးဝေးရှိတဲ့အတွက် ဘယ်တစ်ချက် မျက်စောင်း ထိုးမယ် … ဒါပဲ။ ဟိုမှာဘက် ပလက်ဖောင်းကိစ္စ ရောက်သွားမှစဉ်းစားမယ်”
“ခင်ဗျားက ပစ္စလက်ခတ်ကြီးပါလား”
“အဲဒါတွေ မသိဘူး။ လောလောဆယ်ဆယ်တော့ ဒီထက်ပိုမတွေးနိုင်ဘူး”
တွေးလည်းမတွေး၊ ကျွေးလည်းမကျွေးတဲ့ လူအန္ဓ၊ ကပ်စေးနှဲ … စူပါဂလူး။ ဆင်ကော် …ဂေါ်ဇီလာကော်ကြီး။
+ + + + +
မုန့်ထုပ်တွေ တွဲလို့တွဲလောင်းနဲ့ လူအ၀င်အထွက်များနေတဲ့ ဆိုင်ခန်းလေးရှေ့ရပ်နေတဲ့ အာဂန္တုနှစ်ယောက် ကို ဆိုင်ရှင်မောင်တိုး မမြင်နိုင်အားသေး။ ပိစိကွေးတွေ မုန့်ရောင်းပေးလိုက်၊ မိတ္တူစက်တဂျုံးဂျုံး ကော်ပီတွေကူးပေး လိုက်၊ တယ်လီဖုန်းဆက်သွယ်ခတွေ တွက်ပေးလိုက်နဲ့ သူ့ဆိုင်ခန်းကျဉ်းကျဉ်းလေးထဲ မြန်မာပြည်ကျောက်စိမ်းလို လက်ကုန်ဖွင့်နေရရှာတယ်။ ခဏနေမှ ဆိုင်ရှေ့တွဲလောင်းချိတ်ထားတဲ့ ခေါင်းလျှော်ရည်ထုပ် လာဖြုတ်ရင်း မြင်သွား တယ်။
“ဟောဗျာ …၊ သာကေတီးယားပေါင်ချိန်နဲ့ ဆေးမြစ်တုံးကြီး”
“ငါက ပေါင်ချိန်နဲ့ယှဉ်ရင် အသားပိုလတ်ပါသေးတယ်။ ညှင်းညှင်း …ဟင်း ဟင်း”
“ဟေ့လူ၊ စကားပြောရင် ရယ်သဲ့သဲ့လုပ်တာ တဖက်လူကို မခန့်မညားလုပ်တဲ့ သဘောလား”
“မဟုတ်ရပါ မောင်ရာ။ ကြောက်လွန်းလို့ မင်းတို့အားလုံးနဲ့ မတွေ့ရအောင် ရှောင်နေပြီးသား။ အခုလည်း မင်းဆီလာချင်လွန်းလို့မဟုတ်ဘူး။ ဒီ `အားအား …ရားရား`အကောင် အရူးထပြီးလျှောက်သွားနေလို့ လိုက်စောင့် ရှောက်နေရတာ။ ဟီး … ဟီး …အီး ..”
“ဟေ့လူ …ရယ်ပြန်ပြီ”
“ကြောက်ပါတယ်ခင်ညာ … ရိုးရိုးပဲ ပြောပါတော့မယ်။ မင်းတို့နှစ်ကောင်ပေါင်းမိသွားရင် ငါနစ်နာတော့မှာ သေချာပါတယ်။ လောလောဆယ်ဆယ်တော့ ရေအေးအေးလေး လျှာတစွတ်လောက် တိုက်ပါလားကွာ။ မင်းက ပဲပေါင်မုန့်နဲ့ တူတယ်ကွ”
ကိုရီးယားမင်းသားနဲ့တူတယ်လို့ အပြောခံလိုက်ရတဲ့ မောင်တိုးက ရက်ရက်ရောရော အအေးနှစ်ပုလင်း ကမ်း လာတယ်။ ကိုဝင်းမြင့် ချက်ခြင်းမသောက်၊ ပုလင်းထဲ စိုက်ထည့်ထားတဲ့ ပလပ်စတစ်ပိုက်ကို ဆတ်ကနဲဆွဲထုတ်၊ ပိုက် အဖြားပိုင်းလေးတွေ သေချာကြည့်တယ်။ သွားနဲ့နှုတ်ခမ်းနဲ့ ဖိကိုက်ထားတဲ့အရာလေးများ ရှိမလားလို့ပေါ့။ စိတ်ချ ရတော့မှ တပြွတ်ပြွတ် စုပ်ယူသောက်သုံးလေတော့တယ်။
ဒါကို စေ့စေ့စပ်စပ် မြင်လိုက်ရတဲ့ မောင်တိုးက “ဟေ့လူ …ဘာမှစိုးရိမ်မနေနဲ့။ ပိုက်ကတော့ အသစ်ပဲ။ အရည် ကသာ သူများအကျန်တွေ စုထည့်ထားတာ”
“ဖွီ …ဝေါ့ …”
ပါးစောင်ထဲပြည့်အင့်နေလေတဲ့ အချိုရည်ထွေးထွေးလေးတွေ ပြန်ထွေးထုတ်လိုက်သူက အနှီကိုဝင်းမြင့် မဟုတ်မူဘဲ ဆေးမြစ်တုံးကြီးသာ ဖြစ်ပါကြောင်း။
“ဟေ…လကွာ။ မင်းအချိုရည်တိုက်တာကလည်း စဉ်းစားကြည့်တော့ ကျုပ်စာရေးနည်းမျိုးကြီးပါလား ကရို့။ အင်း … အခုမှပဲ စာဖတ်သူတွေကို ကိုယ်ချင်းစာမိတော့တယ်။ အဟွတ်.. . အဟွတ် …”
အားရာရား*

* စာမူပေးပို့စဉ်က အားရာရား ကလောင်အမည်ဖြင့် ပေးပို့ခဲ့ပါသည်။ သို့သော် မဂ္ဂဇင်းမှ အကြောင်းမညီညွှတ်၍ ကလောင် အမည် ပြောင်းလဲပြင်ဆင်ပေးပါရန် တောင်းခံလာပါသည်။ မိမိအနေဖြင့် ပြောင်းလဲလိုစိတ်မရှိလိုသော်လည်း ပေးပို့ပြီးစာမူ ဖြစ်နေ၍ ၀တ္ထုတိုများ၊ ကဗျာများ၊ အက်ဆေးများ ရေးသားနေသည့် `ကောင်းဖြိုး` အမည်ပြောင်းလဲပေးခဲ့ပါသည်။ သို့သော် ထပ်မံပြောင်းလဲခိုင်းပြန်ပါသည်။ ကုမ္ပဏီဝန်ထမ်းတစ်ဦးအနေဖြင့် လုပ်ငန်းခွင်ထဲမှတယ်လီဖုန်းဖြင့် ဆက်သွယ်ပြောဆိုရသည်မှာ အဆင်မပြေလှချေ။ သွားရောက်ညှိနှိုင်းရန်လည်း အချိန်မရသဖြင့် သားအငယ်နာမည် (ဖြိုးသီဟ)ဟု အလွယ်တကူပေးပစ် လိုက်ပါသည်။ မဂ္ဂဇင်းထွက်လာသည့်အခါ မာတိကာတွင်စာမူဖော်ပြခြင်းလဲမရှိပါ။ စာအလွန်ရေးချင်သော်လည်း … မဂ္ဂဇင်းများ တွင် ပုံမှန်ပါဝင်ရေးသားရန် ခက်ခဲသော်လည်း မိမိ ဆက်လက်မရေးဖြစ်တော့ပါ။ ယခုစာအုပ်တွင် မူလသရော်စာရေးသည့် ကလောင်အမည် `အားရာရား` ခေါင်းစဉ်အောက်တွင် ပြန်လည်ဖော်ပြထားပါသည်။

ကြောင်ကြီးရယ် မြီးတံတို

Faces Magazine
Issue : No. 34, May 2004, Page- 145
Editor : Too Too Myint Thein
Illustrator : Thiha (Sakhanthit)
“ဟေ့ … ခြင်းဆွဲ”
ဝမ်းအလွန်သွားချင်နေ၍ သုတ်သီးသုတ်ပြာ လျှောက်လာရစဉ် ခါးဆစ်ဆီမှ တရှိန်းရှိန်း ပူဆင်းလာလိုက်၊ ဖြန်းခနဲ အေးစက် ကြက်သီးမွှေးညင်းထသွားလိုက်။ ခါးဆစ်ရိုးတစ်ချောင်းလုံး လေထဲမြောက်တက်သွားလေမလား ထင်မှတ်ရလောက် အောင် ဆန့်ထွက်တွန့်လိမ်။ မအီမသာဆိုပေမယ့် အတော်ခံစားလို့ကောင်းသည့် ဖီလင်မျိုး ပယ်ပယ်နယ်နယ်ကြီးခံစားလိုက်ရသူ မှာ အောင်ကျော်ထွန်း ဖြစ်ပါသည်။
“တောက် ..”
ကိုကျော်ထူး …. ဒီသေနာကြီး၊ ဆုံမှဆုံတတ်ပလေတယ်။ အော်ကြီးဟစ်ကျယ်။
အောင်ကျော်ထွန်းက မျက်ကွင်းညိုညို၊ ပိန်၍ရှည်လျားသောအရပ်ကို ခါးကိုင်းပြီး လမ်းလျှောက်တတ်သူမို့ နို့ဆီဘူးမှ ကုလားမခြင်းဆွဲအရုပ်နှင့်တူသည်ဆိုကာ ကိုကျော်ထူးက နာမည်ပြောင်ပေးထားခြင်း ဖြစ်သည်။
“မင်းကြည့်ရတာ တစ်နေ့တစ်ခြား ရောဂါသည်လေးနဲ့ ပိုတူလာတယ်”
“ခင်ဗျားဗျာ၊ နိမိတ်မရှိ နမာမရှိ။ ကျွန်တော်က မင်္ဂလာဆောင်တော့မယ့်လူဗျ။ မင်္ဂလာရှိရှိ စကားတွေဆိုစမ်းပါ”
“ဟေ့ကောင်၊ ဒါဆို …မင်းကောင်မလေး သနားရင် အိတ်ခ်ျအိုင်ဗီပိုးလေး အလျင်စစ်ကြည့်ဦး။ လူမဖြစ်ဘဲ မျိုးကန်းနေ ဦးမယ်”
အနှီသူ၊ တွေ့ကရာရှစ်သောင်း၊ တုတ်တောင်းခဲတောင်း။ လက်ဝါးစောင်းမကျန် ရန်ရှာလေသောလူစွမ်းကောင်းကား၊ စုံစီနဖာ တီဗီကြော်ငြာ၊ အီစီကလီ ဗီစီဒီများ ရိုက်ကူးခံရခြင်း အလျဉ်းမရှိရှာသော မဇ္ဈိမကုန်းခေါင်ခေါင်၊ ဣစ္ဆာသယ လမ်းချောင် ကြို ချောင်ကြားမှ ကျောက်မြောင်းသားကြီး ဖြစ်တော့သည်။
“ဟာ …ရတယ်။ ကိုကျော်ထူး …စိမ်လိုက်။ ကိုယ့်ကိုယ် ယုံကြည်တယ်”
“ဟဲ့ကောင်လေး၊ ဒီရောဂါက အပြင်မှည့်ပြီး အတွင်းပုပ်တဲ့ ကျီးအာသီး။ မင်းကိုယ်မင်း ရွှေတောင်ကြီး ထင်ထားလို့ မရ ဘူး။ ရောဂါလက္ခဏာဆိုင်ရာတွေက လေးငါးနှစ်ကြာမှ ပေါ်လာတာ”
“ဒီမှာ … ကိုကျော်ထူး။ ကျွန်တော်က ဟိုတယ်ကျ မသုံးဘူး။ စည်းကမ်းရှိတယ်။ တစ်လင်တစ်မယား သွားသွားလာလာ ကိုယ့်ရည်းစား”
“အေးပါ။ ထားပါတော့။ မင်း… သွေးစစ်ကြည့်ဖို့ မပေါ့ဆနဲ့။ ဘာပဲဖြစ်ဖြစ် ကျွမ်းကျင်တိကျ၊ နီးစပ်မှန်ကန်။ မြန်မြန်ဆန် ဆန် ဆောင်ရွက်ပေးနေတဲ့ အဆင့်မနိမ့် ဓာတ်ခွဲခန်းတွေ အပြိုင်အဆိုင်ဖွင့်နေကြတဲ့အချိန်လေ”¬
ကိုယ့်ကို ဘယ်လောက်ပဲ စိတ်ရှင်းတယ်ဆိုဆို၊ တစ်ယောက်တစ်ယောက်က ဒါလေးလုပ်ကြည့်ပါလား ဆိုပြန်တော့။ ကိုကျော်ထူး ပါးစပ်သရမ်းတတ်မှန်းလည်းသိပေမယ့် အောင်ကျော်ထွန်းတစ်ယောက် ရန်ကုန်မြို့လည် နာမည်ကြီးဓာတ်ခွဲခန်း တေ နား ရစ်သီရစ်သီ။
+ + + + +

မြောက်ဒဂုံနယ်တရိုးကနေ ငမိုးရိပ်ကိုကျော်၊ ဥက္ကလာဖြတ်၊ ဆူးလေချဉ်းနင်း၊ ရွှေဘုံသာကို သတ္တိရှိရှိ ကျောခိုင်း၊ စူပါ မဟာ ဓာတ်ခွဲခန်းတွေရှိတဲ့ နယ်မြေသစ်မှာ ကိုလံဘတ်လို သံလိုက်အိမ်မြောင်မလို၊ မြို့ပြသားတွေလို တယ်လီဖုန်းလမ်းညွှန် စာအုပ်မလို၊ တဆင့်စကားတစ်ဆင့်နားနဲ့ အောင်ကျော်ထွန်းတစ်ယောက် အကောင်းဆုံးဓာတ်ခွဲခန်းကို အရောက်သွားခဲ့ပါသည်။ ဟုတ်တော့လည်း ဟုတ်ပေသပေါ့နော်။ စစ်ဆေးထားလိုက်တာ မမှားတန်ကောင်းပါဘူး။
အဲကွန်းတွေ စိမ့်နေအောင်ဖွင့်ထားပြီး၊ မှန်တံခါးများ အလုံပိတ်ထားသည့် ဓာတ်ခွဲခန်းကြီးအတွင်းသို့ အောင်ကျော်ထွန်း တစ်ယောက် ၀င်ရောက်သွားပါပြီ။ စိတ်ထဲမှာတော့ တွေးပြီးလန့်မိသည်။ သူ့မှာ ရောဂါပိုးရှိမည် တွေးကြောက်နေခြင်း မဟုတ်။ ဤမျှဤနှယ် ပိတ်လှောင်နေသည့် အခန်းငယ်လေးထဲ လူနာပေါင်းစုံတို့၏ရောဂါပိုးများ ပလူပျံများလို ၀ဲပျံနေလျင်ဖြင့် ဒုက္ခ ဟူ၍။ ကောင်တာတွင် ဘောက်ချာဖြတ်၊ ငွေသွင်းပြီးသည်နှင့် သွေးဖောက်ရန်အလှည့်ကျ စောင့်ရသည်။ သွေးဖောက်ပြီး ညနေရှစ်နာရီ အဖြေလာယူရန် ချိန်းဆိုလိုက်သည်။ အကယ်၍ လူကိုယ်တိုင် မလာနိုင်သေးလျှင် ဖုန်းဆက်မေးနိုင်ကြောင်း ပြောလိုက်သေး သည်။
ဒဂုံအပြန် ဘတ်စ်တွင် လေဒီဖတ်စ်၊ ဘေဘီဖတ်စ်၊ ဘဂ၀ါဖတ်စ်နှင့် ကျားကျားလျားလျား ထိုင်ခုံနေရာလုတတ်သူများ ကြားမှ မဟာကံထူးရှင် အောင်ကျော်ထွန်းတစ်ယောက် ပြတင်းပေါက်ဘေးထိုင်ခုံ ရခဲ့သည်။ ပြတင်းပေါက်ဘေးထိုင်ခဲ့ရသဖြင့် လေတအေးအေး ဒူးကွေးထိုင်ရင်း ဓာတ်ခွဲခန်းမှ ဆရာမလေးပြောလိုက်သည့် စကားသံများ ပြန်လည်ကြားယောင်နေမိသည်။
“အိတ်ခ်ျအိုင်ဗွီပိုးရှိရုံနဲ့ ရောဂါလက္ခဏာတွေ မပေါ်နိုင်သေးပါဘူး၊ အေ့ဒ်စ်အဆင့်ရောက်မှ ရောဂါလက္ခဏာ တွေ့နိုင်ပါ တယ်။ ပိုးကူးစက်နည်းတွေကတော့ အများသူငါသိပြီးသားတွေမို့ ထပ်ရှင်းမပြတော့ပါဘူး။ အေ့ဒ်စ်အဆင့် ရောက်ပြီဆိုရင်တော့ လနဲ့ချီပြီး နေ့စဉ်ရက်ဆက် အဖျားငွေ့ငွေ့ ဖျားနေတတ်ပါတယ်။ ပါးစောင်တွေမှာ ရေယုံ၊ မက်ခရု ပေါက်တတ်ပါတယ်။ အရေ ပြား အနှံ့ ယားနာတွေ ပေါက်လာပါတယ်။ ၀မ်းခဏခဏ သွားတတ်ပါတယ်။ ကိုယ်အလေးချိန် လျော့လာပါတယ်။ အဲဒီအချိန်မှာ တီဘီရောဂါပိုးလည်း ၀င်လာပါတယ်။ လေးငါးခြောက်နှစ်ကြာမှ အေ့ဒ်စ်အဆင့်ရောက်တာမို့ အိတ်ခ်ျအိုင်ဗွီပိုးရှိမရှိ ဓာတ်ခွဲခန်းမှာ စမ်းသပ်စစ်ဆေးကြည့်မှ သိနိုင်ပါတယ်။ ကျန်တာ သိချင်တာတွေရှိသေးရင် ဆရာကြီးနဲ့ပြတဲ့အခါ မေးပါ…” တဲ့။
ညနေခင်းရောက်တော့ …
“ဟဲလို … အစ်မလား။ ကျွန်တော် ကိုအောင်ကျော်ထွန်းပါ။ အဖြေလိုချင်လို့ …”
“ဟွန့် … ဘာ အဖြေလဲ”
“ဟို …ဟို … ဆေးစစ်ချက်အဖြေ”
“အဲသလိုပြော… အထိတ်တလန့် မလုပ်ပါနဲ့”
“ဟုတ်ကဲ့ … ဟုတ်ကဲ့…”
“အဖြေက ရနေပြီ။ ရှင်ကိုယ်တိုင် လာယူလိုက်ပါ”
“ဟုတ်ကဲ့ … ဟုတ်ကဲ့ …၊ အဖြေရပြီပေါ့နော်”
“ဂုတ် …ဂလွပ် ..”
+ + + + +
စိတ်ပျက်လက်ပျက်နှင့် တုတ်ထိုးဆိုင်ရှေ့ ခုံပုလေးပေါ် ပစ်ထိုင်လိုက်ရင်း အူချိုတစ်ခုကို ငရုပ်ရည်နီနီကြီးထဲ အားစိုက် နှစ်ထည့်လိုက်ပြီးမှ မြိန်ယှက်စွာ စားလိုက်မိသည်။ ကြက်သွန်ဖြူ နှစ်မွှာကိုလည်း အခွံစင်အောင်မသင်ပဲ ပါးစပ်ထဲပစ်ထည့်လိုက် သည်။ ပြီးနောက် အသားများများသီတံတစ်ခုကို တုတ်ချောင်းတစ်ချောင်းခြင်းကိုင်မ၍ ရွေးချယ်နေမိ၏။ ဒါ နောက်ဆုံးအကြိမ်အ ဖြစ် တုတ်တိုးစားခြင်းလား။
ကိုကျော်ထူး သတိပေးတာ ကျေးဇူးတင်ရမည်လား။ မဦးမချွတ် ပြောထွက်ခဲ့သည်ကိုပဲ အပြစ်တင်ရမည်လား။ မဝေခွဲ နိုင်တော့ပြီ။ ဆေးစစ်ချက် အဖြေလွှာတွင် ဘီပိုး Positive ဖြစ်နေသည်။ အိတ်ခ်ျအိုင်ဗွီပိုး မတွေ့ပေမယ့် ဘီပိုးကလည်း နှစ်ကြာ လာလျှင် အသည်းကင်ဆာ၊ ဒါမှမဟုတ် အသည်းကြွပ်ရောဂါ ဖြစ်လာနိုင်သည်တဲ့။ ဘီပိုး သယ်ဆောင်ထားသူရဲ့ သွေး၊ သုတ်နဲ့ တခြား ခန္ဓာကိုယ်ရည်များမှတဆင့် အခြားသူများကို ကူးစက်နိုင်သည်တဲ့။ မျက်လုံးများ ပြာဝေသည်ထိ စိတ်လှုပ်ရှားခဲ့ရသည်။ ဝေးရပြီလား ဒေါင်းလေးရေ။ သုံးနှစ်သုံးမိုး ချစ်ခဲ့ပြီးမှ ဝေးရပြီလား။ ချွေးတို့စေးထန်း ခြေလှမ်းတို့ ယိမ်းထိုး ဘတ်စ်ကားပင် တိုးမ စီးချင်တော့သဖြင့် အငှားယာဉ်ငယ်တစ်စင်း လက်ပြတားလိုက်မိသည်မှ နှလုံးသွေးပင် တိုးချင်လာသလိုလို။
+ + + + +
“ခြင်းဆွဲ၊ ကောင်လေး စိတ်ညစ်နေပြီလား”
အလုပ်စားပွဲခြင်းကပ်လျက် အလုပ်လုပ်နေသည့် နဖူးပြောင်ပြောင်၊ ရုပ်ပြောင်ပြောင်နှင့် ကိုခင်ဇော်အောင်က အားပေး စကားဆိုရန် စကားစသည်။
“အေးပေါ့ဗျာ၊ကိုပြောင်ကြီးကလည်း။ ဘယ်မှာ စိတ်မညစ်ဘဲ နေမလဲ။ မင်္ဂလာခန်းဝင်ပစ္စည်းတချို့တောင် ၀ယ်ထားပြီး ပြီဆိုတော့”
“အေးကွ၊ ဒီလောက် အယုတ္တအနတ္တပြောတတ်တဲ့ ကျော်ထူး။ ဒီတစ်ခါ သိုက်သမိုင်းကားတွေ ဗီဒီယိုပြန်ရိုက်ရင် သူ့ကို ဥစ္စာစောင့်နေရာထား ရိုက်မယ်။ သနပ်ခါးဘဲကြားလူး မိတ်ကပ်ဖိုးလဲ မကုန်ဘူးလေ”
“အမလေး ကိုပြောင်ကြီးရယ် …၊ သိုက်မှာရှိတဲ့သူတွေ ဒီဘက်ပြေးလာလို့ ကျွန်တော်တို့ အခက်တွေ့နေပါဦးမယ်”
ကိုပြောင်ကြီး သွားကျိုးလေးတွေပေါ်အောင် တခစ်ခစ် ရယ်သည်။
“အေးကွ … ဒါလည်း ဟုတ်တာပဲ”
မန်နေဂျာအခန်းထဲမှ လက်မှတ်ထိုးထားသည့် စာရွက်စာတန်းတစ်ထပ်ကြီးနှင့် ပြန်လာသည့် ဇော်လတ်က ဖြတ်သွား ဖြတ်လာသြ၀ါဒများ ပေးရန် အောင်ကျော်ထွန်း စားပွဲရှေ့ ရပ်လာသည်။
“အိမ်း …”
သူ့ကိုယ်သူ ပိုခန့်ထည်သွားအောင် သံရှည်ဆွဲ၍ `အိမ်း`လိုက်သေးသည်။
“ညီဘွား၊ အခု အသက် နှစ်ဆယ့်ငါးနော်”
“ဟုတ်ပါတယ်…”
ဒီလို ဗေဒင်ဆရာလိုလို၊ ဘိုးတော်လိုလိုနှင့် လူတွေ့ရင် ဟောဖို့ပြောဖို့ ဆရာလုပ် ဆုံးမဖို့ပဲ တတ်သည်။ ဒီမှာ ဘယ် လောက် ကြေကွဲနေသည် သူမသိ။ သူ့လက်ဖြစ် ဒဿနတွေ အမြည်းပေးဖို့၊ ကြော်ငြာကပ်ဖို့ပဲ အလျင်စဉ်းစားနေတတ်သည်။ ဒီဘက်မှာ ဘာဖြစ်နေသည်ကို စဉ်းစားမပေး။
“ဒီအသက်အရွယ် အိမ်ထောင်မပြုဖြစ်သေးဘူးလား။ ညီဘွား သင်္ချာညံ့တယ်ထင်တယ်”
“မဟုတ်ဘူး၊ ကိုဇော်လတ်ရ ….”
မထူးတော့ပြီမို့ ကိုယ့်အဖြစ်ကို နတ်သံနှောရင်ဖွင့်ရန် အောင်ကျော်ထွန်း ကြိုးစားလိုက်သော်လည်း အချည်းအနှီး ဖြစ် သွားသည်။ အနှီပုဂ္ဂိုလ်မှာ စကားပြောကောင်းသူဖြစ်သော်လည်း နားထောင်ကောင်းသူတစ်ယောက် မဟုတ်ပါ။ တစ်ဖက်လူ စကားပြောလျှင် တလေးတစား နားထောင်ခြင်း မပြုဘဲ သူပြောလိုသည်များကိုသာ တရစပ်ပြောနေတတ်သူဖြစ်၏။
“ဥပမာ၊ ညီဘွား… အသက်သုံးဆယ်ပြည့်မှ အိမ်ထောင်ပြုဖြစ်တယ် ဆိုပါတော့။ တစ်နှစ်အတွင်း သားသမီးယူဖြစ်ပါမှ ကိုယ့်အသက် သုံးဆယ့်တစ်နှစ်မှာ သားသမီးရမယ်။ သားသမီး အသက်ဆယ့်ငါးနှစ်မှာ ကိုယ့်အသက် လေးဆယ့်ခြောက်နှစ် ဖြစ်နေပြီ။ သားသမီး ပညာရေး၊ ကျန်းမာရေးက အတက်။ ကိုယ်က အကျ။ သားသမီး အသက်နှစ်ဆယ်မှာ ကိုယ်က ငါးဆယ် ကျော်နေပြီ။ ရှာထားဖွေထားပြီး ရှိနေရင် ကိစ္စသိပ်မရှိဘူး။ အဲဒီအချိန်ကျမှ သူတို့ ပညာရေး၊ ကျန်းမာရေးအတွက် ထပ်ပြီးရှာဖွေ နေရရင် သိပ်မဟန်တော့ဘူး။ နောက် …ခေတ်။ သူတို့ခေတ် အခြေအနေ၊ ခေတ်စရိုက် ကိုယ်ကလိုက်နားလည်ပေးဖို့ စိတ်အာရုံ သွက်လက်နိုင်ပါဦးမလား”
“အဲသလို ဆိုရင်လည်း သားသမီးမယူတော့ဘူးပေါ့ အစ်ကိုရာ”
“ဒီလူလေးကလည်း၊ သားသမီးမရှိတဲ့ အိမ်ထောင်ရေးဟာ အမြစ်မရှိတဲ့သစ်ပင်လို အလွယ်တကူ ခြောက်သွေ့နိုင် တယ်။ အလွယ်တကူ ပြိုလဲနိုင်တယ်။ မလေးနက်ဘူး။ မခိုင်မာဘူး။ မယဉ်ကျေးဘူး”
`လှတယ်ဗျာ`… ထောက်ခံစကားဆိုလိုက်ချင်ပေမယ့် နောက်ထပ် ခုနစ်ရာမီဂါဗိုက်၊ မိနစ်ရှစ်ဆယ် စီဒီတစ်ချပ်စာ နာတော်ခံရမည်စိုးသဖြင့် ယဲ့ယဲ့လေးသာ ပြုံးပြနေလိုက်မိသည်။
ထိုစဉ် ကိုကျော်ထူး ရောက်လာသည်။ အငှားယာဉ်မောင်း မလာ၍ ကိုယ်တိုင် တက္ကစီထွက်ဆွဲနေရင်း လမ်းကြုံဝင်လာ ခြင်းဖြစ်သည်။ တစ်ဖွဲ့လုံး လက်ဖက်ရည် လိုက်သောက်ရန်ခေါ်သည်။ ဇော်လတ်က ညနေပိုင်းအချိန် လာခေါ်ရင် ပိုကောင်းမယ် ဟု မဲဆွယ်နေသည်။
“ကျွန်တော် လက်ဖက်ရည်ဆိုင်တွေလည်း သိပ်မထိုင်ချင်တော့ဘူးဗျာ။ တခြားဝင်ရောက်စားသုံးနေသူတွေကို အားနာ တယ်။ အလုပ်ထဲမှာလည်း လုပ်ဖော်ကိုင်ဘက်တွေ အားနာလို အစားအသောက် အနေအထိုင်ကအစ အတော်ဆင်ခြင်နေရ တယ်”
“ခြင်းဆွဲ၊ ငါစိတ်မကောင်းဘူးကွာ၊ ဘာရယ်မဟုတ်ဘူး။ ငါ ကျီစားချစ်စိတ်များပြီး ပါးစပ်သရမ်းလိုက်မိတာ တောင်းပန် ပါတယ်”
“ရပါတယ် အစ်ကိုရာ။ အစ်ကိုပြောလိုက်လို့ ဖြစ်ရတာမှ မဟုတ်တာ။ သတိပေးလိုက်သလို ဖြစ်သွားတာမို့ ကျေးဇူး တောင် တင်ရဦးမယ်”
“ဘာပဲဖြစ်ဖြစ်ပေါ့ကွာ။ ပိုကောင်းသွားတာမှန်ပေမယ့် ဒီလို နိမိတ်မရှိ နမာမရှိ စကားတွေ ငါ မပြောတော့ပါဘူးကွာ”
ကိုကျော်ထူး အတော်ပင် စိတ်မကောင်းဖြစ်သွားဟန်တူပါသည်။ ကိုဇော်လတ်၊ ကိုပြောင်ကြီးတို့နှင့် ဘီယာသောက်ရန် ထွက်သွားပါတော့သည်။
“ဟီး …ဟီး၊ ဒါလေးတော့ မစွန့်လွှတ်နိုင်သေးဘူးလေ …”
+ + + + +

“ဟေး … ခြင်းဆွဲ”
ဒီတစ်ခါတော့ အမှန်တကယ်ပင် ၀မ်းတပြင်ပြင် ဖြစ်နေသည်မို့ ပလက်ဖောင်းကြပ်ကြပ်များ အတင်းတိုးဝှေ့ မြေအောက် အိမ်သာဆီ ပြေးနေရခိုက် အော်ခေါ်သံ ထွက်ပေါ်လာခြင်းဖြစ်သည်။ လှည့်ကြည့်လိုက်တော့ ကိုယ့်ကိုခေါ်နေခြင်း မဟုတ်ပါ။ နာ မည်တူတာ ဖြစ်ချင်ဖြစ်မည်။ အသံတူတာ ဖြစ်ချင်ဖြစ်မည်။ ချွေးစေးချွေးပေါက် ကျလောက်အောင် ဝေဒနာပြင်းထန်လှသည်မို့ အမြင်အကြားရောထွေး ထင်ယောင်ထင်မှားခြင်းလည်း ဖြစ်နိုင်ပါသည်။ ဘာပဲဖြစ်ဖြစ် အခုလောလောဆယ် ကြွေကမုတ်မှာ အမြိန့်သားထိုင်နိုင်ဖို့သာ အရေးကြီးနေသည် မဟုတ်ပါလား။ ပြေးရင်းလွှားရင်း အိပ်ကပ်ထဲ အကြွေရှာရသေးသည်။ အကြွေရှာမ ရဘဲ အိမ်သာဝတစ်နေလို့ကတော့ ရှုံ့ချည်ပွချည်ကြွက်သားတွေက စိတ်မရှည်ဘဲ ဆောင့်တွန်းထည့်လိုက်မှ …။
လက်ထဲ ပျော့တွဲစိုအိပြီးကပ်ပါလာသည့် တစ်ရာတန်တစ်ရွက် သွက်သွက်သာ လှမ်းပေးလိုက်သည်။ ပြန်အမ်းအကြွေ လည်း စုတ်သလား၊ ပဲ့သလား။ သစ်သလား ဟောင်းသလား အငြင်းမပွားအား။ ရွှံ့မြေတို့ချောအိနေသည့် လှေကားထစ်တွေမှာ ချော်ပြုမကျအောင် သတိထား၍ ဝေဒနာအလို့ငှာ သွက်သွက်ဆင်းခဲ့ပါသည်။
အမယ်လေး … အားရပါးရမှ၊ အားရပါးရရယ်ပါ။ ဒီအချိန် ဒီစည်းစိမ် ဘာနှင့်မျှ မလဲနိုင်။ ကမုတ်ပေါ်တင်ထားသည့် ခြေ အစုံပေါ့ပါးပြီး လေမှာပျံဝဲသွားတော့မယောင်။ နဖူးစပ် ချွေးစေးတို့ ပြေလျော့သွေ့ခြောက်။ နှင်းဆီရနံ့ အဲဖရက်ရ်ှလေး သင်းလာ သလို ခံစားလာရ၏။ လီယိုနာဒိုနှင့် ကိတ်ဝင်းစလက်တို့ တိုက်တန်းနစ်ဦးပိုင်း ပင်လယ်လေညင်းထဲ ငှက်သွင်ပျံကြွမတတ်သော် ပျော်နေတုန်းခံစားမှုထက် မလျော့သည့် စိတ်ခံစားမှု။
“ဟိုက် …”
နျူကလီးယား ဓာတ်ပေါင်းဖိုကြီးတစ်လုံး ပေါက်ကွဲသွားလျှင်ပင် ယခုအသံလောက် မကျယ်လောင်နိုင်ဟုသာ ညွှန်းဆို လိုက်ချင်ပါတော့သည်။ အားရပါးရ ၀မ်းကိစ္စ ပြုမူပြီးသည်နှင့် ကိုယ်လက်သန့်စင်ရန် ရေခပ်လိုက်သည်။ သို့ရာတွင် `ဂတ်ဂတ် ဂလောက်`ဟူ၍ လည်ချောင်းနာနေသည့် ဘဲငန်း၏အော်မြည်သံမျိုး ထွက်ပေါ်လာရာ အလန့်တကြား ကြည့်လိုက်မိတော့ ရေညှိ ကပ် ကော်ခွက်က ရေကန်အောက်ခြေမျက်နှာပြင်နှင့် အဖန်တလဲလဲ ထိခတ်နေခြင်းတည်း။ ရေတစ်စက်မျှ မရှိ။ ရေတစ်ပုံး လောက် ခပ်ထည့်လိုက်ရမည်ကို သတိမဲ့မိသည်။
အော်ငိုပစ်လိုက်ချင်သည်ထိ စိတ်ညစ်သွားသည်။ အမလေး …ဘယ်လိုလုပ်ရမလဲဗျ။ ကယ်ကြပါဦး။ ချွေးတစ်ပြိုက် ပြိုက် ယိုစီးကြလာ၏။ သင်္ဘောကုန်းပတ်ပေါ်မှ ဘွိုင်လာခန်းထဲ စောက်ထိုးပြုတ်ကျသွားသလို။ ဘယ်လို လုပ်ရမလဲ …. ဘယ်လို …လုပ်ရမလဲ …ဗျို့။ ကယ်ကြပါဦး။ အပြင်မှ အလှည့်ကျ စောင့်နေသူကလည်း စိတ်မရှည်သလို ခြေသံရှပ်ရှပ် ပြုလာသည်။
ဒူးနှင့်ရင်ဘတ်ကြား အပ်ထားသည့် ဖိုင်တွဲလေး သတိရ၍ အထဲမှ စာရွက်တစ်ရွက်ကို ၀မ်းသာအားရဆွဲထုတ်လိုက် သည်။ အပြီးအပိုင် စွန့်ပစ်ခဲ့ရမည့် စာရွက်မို့ အသေအချာ စစ်ဆေးကြည့်မိသည်။ သြော် … ဓာတ်ခွဲခန်း အဖြေစာရွက်။ အင်း … ကိစ္စတော့ မရှိလောက်တော့ပါဘူး။ ဆရာကြီးလည်း ဒီစာရွက်ပြပြီးပြီပဲ။ အယ် … အယ် …။ ဒီမှာ ရေးထားတာ နာမည်က …. ဦးစံရွှေမြင့်၊ အသက် … ခြောက်ဆယ်။ နေရပ် … ဦးငြိမ်းမောင်အခန်း၊ သန်လျင်။ ဟာ … ဒါ ငါ့နာမည်မှ မဟုတ်ပဲ။ ဒါဆို … ဒါဆို ..။
ထိုနေ့ထိုရက်က အောင်ကျော်ထွန်းတစ်ယောက် ကိုယ်လက်သန့်စင်မှု ပြုဖြစ်သလား။ သန့်စင်မှုမပြုပဲ သည်အတိုင်း ထွက်လာမိသလားဆိုတာ ကိုယ်တိုင်တောင် ရေရေရာရာ မသိတော့ပါဘူးဟု ၀န်ခံရှာပါသည်။ သိလည်း မသိချင်တော့ပါ။ သူ့ လက်မောင်းနှစ်သွယ်ကြား ပိုင်ပိုင်နိုင်နိုင် ပွေ့ပိုက်ထားသည်မှာ သူအင်မတန်မြတ်နိုးရှာသည့် ဒေါင်းလေးရဲ့ အကောင်းဆုံး လက် ဆောင်မွန် သားဦးလေး။
အဖြစ်အပျက်တွေ စဉ်းစားမိတိုင်း နေမထိထိုင်မသာ ဖြစ်ရပြီးနောက် ယခုတော့ လုံခြုံအေးချမ်းသည့် ဘ၀လေးမှာ ကျေနပ်ပီတိဖုံးလွှမ်းနေသည့် အောင်ကျော်ထွန်းတစ်ယောက် သားချော့တေးတစ်ပုဒ်ကို သူ့အသံပြာပြာကြီးနှင့် သီကြွေးနေရှာပါ တော့သည်။ အိပ်ပျော်နေရာမှ နိုးခါစ သားငယ်လေးသည် မျက်လုံးလေးကလယ်လယ်။ ဖေဖေကြီးကို နားမလည်။ ဖေဖေကြီး လည်း မျက်လွှာစုံချ သားချော့တေးထဲ တလယ်လယ်။ လောကကြီးကို နားမလည်။
“လူလေးရယ်ငို ခိုဖမ်းလို့ပေး။ ခိုဖြူပြာနက်ကယ် ဖမ်းခက်လှသေး။ ကြောင်ကြီးရယ်မြီးတံတို အဆီကိုစားလို့ အသားကို မြို …ကြောင်အို ကိုပေမှေး ကိုက်ပါနဲ့လေး …..”
အားရာရား

ဆီဒိုးနားက နော့ကိယ

Faces Magazine
Issue : September 2002, Page-78.
Editor : Too Too Myint Thein
Illustrator : Soe Thawta (Pyi)

အအေးငွေ့သီး ဇိမ်ခံကားဖြူကြီးထဲကအထွက် ပြင်ပရာသီဥတုရဲ့အပူဒဏ်ကို သည်းမခံနိုင်ဟန် မျက်နှာပွပွကြီး ရှုံ့မဲ့၊ ကားတံခါးကို ဘယ်လက်နဲ့ လက်ပြန်ဆောင့်ပိတ်။
“ချပ်” …။ ကားတံခါး ပိတ်သွားသံက ညင်ညင်ဖွဖွလေး။ သည့်နောက် သူ့စူပါကားဖြူကြီးနဲ့ ခြေလှမ်းသုံးလှမ်းစာ အကွာ လောက်ထိ လျှောက်သွား။ လူမြင်သာလောက်တဲ့နေရာရောက်မှ ရီမုဒ်ကွန်ထရိုးနဲ့ `တွီ`ခနဲ ကားတံခါး လော့ခ်လုပ်လိုက်။ ပြီး …ရေဖျဉ်းစွဲသလို သူဗိုက်စူကြီးအစွန်းမှာ သိမ်သိမ်ငယ်ချိတ်ဆွဲခံထားရတဲ့ ဆဲလ်ဖုန်းသေးသေးကွေးကွေးလေး ဟန်ပါပါဖြုတ်ယူ။ မေးအစ်အစ်ကြီးပင့်တင်ပြီး နားရွက်ထူပြိန်းပြိန်းမှာ မာန်ပါပါကပ်။ အ၀င်လိုင်း ရှိရှိ မရှိရှိ၊ အဲဒါက သူ့ဆဲလ်ဖုန်း စတိုင်။ လူစည် ကားရာ မြို့လည်ရပ်ကွက်ဆိုပေမယ့် လူတွေနဲ့ နည်းနည်းအလှမ်းဝေးရင် အ၀င်လိုင်း၊ အထွက်လိုင်း ဘာမှမရှိတဲ့ ဖုန်းအသေကြီး နဲ့ ပြဇာတ်ခွင်ပေါ်ကလို ပလက်ဖောင်းပေါ် ခေါက်တုန့်ခေါက်ပြန် တဒေါက်ဒေါက် နှစ်ခေါက်သုံးခေါက်လျှောက်။ တစ်ယောက် တည်း စကားတွေပြောနေတာ။ အနီးအနား လူကသိပ်နီးနေတယ် ဆိုပါတော့။ သူက ရုံးခန်းထဲက အတွင်းရေးမှူးလို့ ခေါ်ခေါ်နေ တဲ့ ကလေးမလေးကို အမြန်နှုန်းနဲ့ ဆက်သွယ်လိုက်ပြီး ပလက်ဖောင်းပေါ်မှာလည်း ဟန်ရေးပြပြီးဖြစ်သလို၊ စက္ကရီတေရီလေးကို လည်း `အီစီကလီ` အီလိုက်ဦးမယ်။
သူ့စီးတော်ယာဉ်ကြီး ကုမ္ပဏီရုံးခန်းရှေ့ ရောက်ကာနီးဆို ဟွန်းသုံးကြိမ်ဆက်တီးတဲ့ သင်္ကေတ ပေးထားတယ်။ ဒါမှ စီး တော်ယာဉ်ကြီး ကုမ္ပရုံးခန်းရှေ့တည့်တည့် ပလက်ဖောင်းမှာ ငြိမ့်ခနဲလျောခနဲ အရောက်၊ ပေါပေါလောလော တပည့်သုံးယောက် လောက်က အပြေးအလွှား ထွက်ကြိုရမယ်။ ဒါကလည်း ကြိုတင်မှာကြား၊ ညွှန်ကြား၊ ချိန်ညှိထားတာ။ ကြိုပြီးလည်း ရောက်မနေ ရ။ သိပ်လည်း နောက်မကျရ။ ကားအ၀င်မှာ ပျာယီးပျာယာ ရိုရိုသေသေ အပြေးတပိုင်း ခြေမှန်တစ်ဝက် လာရမယ်။ တစ် ယောက် က ကားတံခါး ဖွင့်ပေးရမယ်။ နောက်တစ်ယောက်က ကားထဲက သယ်စရာချီပိုးစရာပစ္စည်း၊ ဘော်လ်ပင်တစ်ချောင်း ကနေ သူကိုင်နေကျ ကေ့စ်လေးတစ်လုံး၊ သောက်လက်စ ရေသန့်တစ်ဘူး … တစ်ခုခုပေါ့။ နောက်တစ်ယောက်ကတော့ သူ့ ဘော့စ် ရုံးခန်းထဲ ၀င်လေတဲ့အခါ တစ်ယောက်တည်း ကြောင်တိကြောင်တောင် သွပ်ချောင်ချောင်နိုင်မှာစိုးလို့ ဘော့စ်နောက်က လက်ကလေးနှစ်ဖက် နောက်ပစ်တဲ့ပြီး ခပ်ကုပ်ကုပ်၊ ခပ်သုတ်သုတ် လိုက်ရမယ်။
ခက်တာက သူကသာ ဟန်ရေးပြနေတာ၊ ဒီဘက်မျက်နှာခြင်းဆိုင် ပလက်ဖောင်းပေါ်က လူတွေကဖြင့် သူ့ကို အာရုံ စိုက်နိုင်ပါဘူးဗျာ။ ဒီဘက်ကုမ္ပဏီက စားအုံးဆီယူထားတာမို့ နေ့စဉ် စားအုန်းဆီရောင်းပေးရတယ်။ အဲဒီတော့ ဆီတိုးတဲ့လူအုပ် ကြီးပဲ အထင်ကရရှိတယ်။ သူတို့ခမျာလည်း မနက်ငါးနာရီလောက်ကတည်းက နေရာဦးထားရတာမို့ ကိုယ့်နေရာလေး မပျောက် ရေးပဲ အာရုံရှိရှာကြတယ်။ ဟိုဘက်ပလက်ဖောင်းက ဗိုက်ရွှဲကြီးကို စားအုန်းဆီအစိတ်သားလောက်၊ ရေသန့်ဘူးခွံတစ်ခွံလောက် မှ အာရုံမစားပါဘူး။ ရှစ်နာရီခွဲလောက်မှ စရောင်းမယ့် ဆီအစိတ်သားကို နာရီပေါင်းများစွာ သွေးတောင့်အောင် ရပ်လို့စောင့်နေရ သူတွေပါ။
ဒါပေမယ့်၊ ကျောင်းပိတ်ရက် မိဘတွေနဲ့အတူ ၀င်ငွေကူရှာဖွေကြတဲ့ ကလေးငယ်တွေကတော့ လူကြီးတွေလောက် အာရုံမပွားတော့ မနက်တိုင်းကြုံရတဲ့ ဒီလူကြီးကို အငေးသားပေါ့။ တယ်ဟုတ်ပါလားပေါ့။ တယ်လဲ အရေးပါကြီးပါလားပေါ့။
“ဒီဆရာကြီး …အပြတ်ပဲကွာ။ တို့များ ဆီတိုးနေရတယ်လို့”
ဆံပင်ဖြား အ၀ါကျင့်ကျင့်နဲ့ အရင်းမှာနီစုတ်စုတ် ဆံဘုတ်သိုက် လေပွေမွှထားတဲ့ ရက်ပါလေးတွေ။
“မင်းအဖေသာဆို ဘယ်လောက်ကောင်းမလဲကွ”
“သေချင်းဆိုး … ငါ့အဖေနဲ့ လဲနိုင်ပေါင်ကွာ”
“ဟ … မင်းက နာစရာလား”
“အိုကွာ …၊ ငါ့အဖေနဲ့ နေရတာ ပျော်စရာကောင်းတယ်။ ညနေ …ညနေ အလုပ်ပင်ပန်းပြီး ဆံပင်ဖွာလန်ကြဲနဲ့ ညစ်ညစ် ပတ်ပတ် ပြန်လာတာဆိုပေမယ့်၊ အမေချက်ထားတဲ့ ထမင်းဟင်းလေးတွေ အတူစားရင်း ရယ်စရာပြောတတ်တဲ့ အဖေ့မျက်နှာက ခင်စရာကြီး … ဟီး ဟီး”
“အေးကွ … ဒီလူကြီးကတော့ ဒါမျိုး ဟုတ်ဟန်တူဘူး”
“ဟ … မင်းကလည်း အန်းတစ်ခ် (antique) ကြီးကို အထင်သေးလို့”
“ဘာလဲကွ … အန်းဒိတ်ကြီး”
“ဟာကွာ မင်းကလည်း သူက သူ့ကိုယ်သူ အနုအရွတွေလုပ်နေတာ။ ကြည့်ရတာ မင်းအဖေထက်တောင် အသက် အများကြီး ကြီးနေဦးမှာကွ”
အဲဒီနေ့ကစပြီး ဆီတိုးကလေးတစ်သိုက် သူ့ကို အန်းတစ်ခ်ကြီးလို့ နာမ်စားသုံးကြပါတော့တယ်။
+ + + + +
“ဟေ့ … ကျီးကန်း”
တစ်ကိုယ်လုံး ရှိသမျှအကြောအချဉ်၊ မွှေးညင်းနုနု ဖြန်းဖြန်းထဆူပွက်။ ပြီး ဆတ်ခနဲအေးစက် ကြွပ်ဆတ် သွားရပြီ။ သမုတ်ခံရတဲ့ ကျီးတစ်ကောင်လို အသံထွက်ပေါ်ရာ အသားတစ်ဆီ မျက်ကလဲဆန်ပြာ။
“အံမာ …တောကျီးကန်းကများ။ ငါတစ်ယောက်လုံး ဒီမှာ မမြင်ဘူးလား။ ကျီးကန်းတောင်းမှောက်ဆိုတာ ဒါမျိုးပေါ့ကွ”
ခက်ခက်ခဲခဲ ၀ါးလုံးထိုးပြေးဝင်လာတဲ့ဘောလုံးကို နှစ်ချက်သုံးချက်ဆင့် လေမှာဝဲပြီး ရွှေဣနြေ္ဒ စွေ့ခနဲအမိဖမ်း ဆယ် ယူလိုက်နိုင်အပြီးမှာ …
“သြော် … ကိုကျော်ထူး”
မည်သည့်စကား၊ အဘယ်မချိမဆန့်စကား ဆက်ဆိုရမယ် မသိ။ သို့သော် မပြောမဖြစ်။ ဒီလူ့ စုတ်ပဲ့ပဲ့ပါးစပ်ပြဲသံကြီးက ပလက်ဖောင်းမှာ ဆူညံပွက်လောရိုက်သွားရင် အခက်။ အရှက်ရအံ့။
“ကျွန်တော်တို့ အသက်တွေ ကြီးနေပါပြီဗျာ။ ဒီလို မရင့်ကျက်တဲ့ အသုံးအနှုန်းတွေ မသုံးသင့်တော့ပါဘူး”
မျက်နှာတင်းနိုင်သမျှတင်းရင်း ကုမ္ပဏီရုံးခန်းထဲ အပြေးတစ်ပိုင်း။ ပလက်ဖောင်း အနှေးပြကွက်နဲ့ ဖုန်းပြောချိန်ပင် မရ လိုက်။ တပည့်သုံးယောက် လက်နောက်ပစ်ချိန်ပင် မစောင့်ခဲ့။ ကိုကျော်ထူး နှုတ်သရမ်းသလို ကျီးကန်းမဟုတ်ပဲ ရေဆိုးမြောင်း ပေါက်ထဲ လှစ်ခနဲပြေးဝင်သွားတဲ့ ကြွက်တစ်ကောင်နဲ့ ပိုတူသွားတယ်။
“အံမလေး မြို့ကျီးကန်းရယ် … ငယ်သူငယ်ချင်းလေး လမ်းကြုံလို့ နှုတ်ဆက်မိပါတယ်”
အထက်တန်းကျောင်းကထွက် ဆယ်တန်းအောင်နဲ့ အလုပ်မျိုးစုံ ကြုံရာကျပန်းလုပ်တော့လည်းတူတူ။ ပါးစပ်မှာ ဆူးပါ ပေမယ့် သူငယ်ချင်းတွေရဲ့အပူကို အကူးစက်အခံနိုင်ဆုံးလူ။ ကိုကျော်ထူး ဒီလိုလူဆိုပေမယ့် ဒီသိုက်နန်းမှာ ဓာတ်စခန်းဖွင့်ပြီး နေနိုင်ချိန်မှ ဒီလိုလူနဲ့တွေ့ရတာ ဟန်ချက်ပျက်တယ်။ ပြီးတော့ သူ့မောင်းလာတဲ့ အငှားယာဉ်ပေါ်မှာလည်း ကုမ္ပဏီကိုလာတဲ့ ခရီးသည်တွေနဲ့။
“ကျီးကန်းရယ် … မင်းချေးငှားထားပြီး ပြန်မဆပ်တဲ့ အကြွေးတွေ လိုက်တောင်းနေတယ်များ မှတ်လို့လားကွာ။ နှစ် ကြောင်းလောက် ခိုင်လာပြီမို့ လက်ဖက်ရည်လေးတစ်ခွက် သောက်ကြမလား အောက်မေ့ပါတယ်”
ခရီးသည်ဆင်းသွားတာနဲ့ ကိုကျော်ထူး စိတ်ပျက်လက်ပျက်ပဲ ကားမောင်းထွက်ခဲ့ပါတယ်။
+ + + + +
“ဟာကွာ၊ ဟေ့ကောင်တွေ မနေ့က မင်းတို့ကြုံစေ့ချင်တယ်”
ရေခဲချောင်းတစ်ချောင်းကို ပါးစပ်ပေပွ။ ရင်ဘတ်ပေါ် အစက်ကျအောင် တစ်ယောက်တစ်လှည့်စားနေကြရင်း တစ်ယောက်က အားပါးတရ ရီဗာ့စ် (Reverse) လုပ်တယ်။
“ဘာလဲကွ ၊မင်းကလည်း”
“အန်းတစ်ခ်ကြီး ကြွေသွားတယ်ကွာ”
“နော့ကီယ (NOKIA) ကြီးလား”
“မင်းတို့ကလည်း ထွင်တယ်။ ဘာလဲ နော့ကီယ”
“ဟား ..ဟား၊ ဆဲလ်ဖုန်းသေးသေးလေးတွေ ပေါ်လာတော့ နော့ကီယကြီးက တုတ်တုတ်ခိုင်ခိုင်ကြီးမို့ အန်းတစ်ခ် ဖြစ် သွားပြီလေ။ နော့ကီယကြီးဆိုမှ ပုဂ္ဂိုလ်ကြီးနဲ့ ပိုလိုက်မယ်ကွ”
“ထားပါတော့ တို့လည်း ရယ်ရအောင် ပြောပါဦး”
“ပလက်ဖောင်းပေါ်မှာ သူ့ ငယ်သူငယ်ချင်းတစ်ယောက်က နာမည်ပြောင်အော်ခေါ်တော့ ရှက်ပြီး ရုံးခန်းထဲပြေးဝင်သွား တာ မင်းတို့များ မြင်စေ့ချင်တယ်။ အိုင်တင်တွေ ထုတ်ချိန်တောင် မရလိုက်ဘူး”
“တခြား ဘယ်သူတွေ ကြားသေးလဲ”
“တို့ကလေးတွေချည်း မဟုတ်ပါဘူးကွာ။ ကြီးတော်ညွန့်တို့အုပ်စုလည်း ကြားတာပေါ့”
“ကြီးတော်တို့လည်း ရယ်ကြသေးလား”
“သူများတိုက်ရှေ့ စောစီးစီး တ၀ါးဝါးတဟားဟား လုပ်နေကြလို့ ဆီအရောင်းပိတ်သွားမှ အခက်။ ကြီးတော်တို့က လူကြီးတွေဆိုတော့ သတိရှိပါတယ်ကွ”
“မင်းတို့ကရော …”
“တို့လည်း ရယ်မလို့ပါပဲ။ ဒါပေမယ့် ဒီဘက်မှာလည်း မင်းတို့ပြောတဲ့ နောကီယကြီးတစ်လုံး ရှိတယ်ကွ။ ကလေးတွေ ရှုပ်ရှုပ်ရှက်ရှက်ဆိုပြီး လုပ်လိုက်မှ မုန့်ဘိုးပြတ်ပါ့မယ်။ တို့လည်း ရယ်ရဲဘူး”
“အင်းပါ … ဒါပေမယ့် တို့ကလေးတွေက လူကြီးတွေလောက် မအောင့်အီးနိုင်တော့ အချင်းချင်း ဖု(တ) (Foot Phone) လေးတွေသုံးပြီးဆက်သွယ်ရင်း တိတ်တိတ်ကျိတ်ရယ်ကြတာပေါ့”
“မင်းတို့က လုပ်ပြန်ပြီ။ ဘာလဲကွ ဖု(တ)ဖုန်း”
“မင်းကလဲ မလတ်ဆတ်လိုက်တာကွာ။ တစ်ယောက်ခြေထောက်တစ်ယောက် အသာဖိနင်းအချက်ပြပြီး ကျိတ်ရယ်ကြ တာပေါ့” ……………..
အားရာရား

ဆရာကြီးဂျက် လသာသို့ရောက်သွားခြင်း

Faces Magazine
Issue : July 2002, Page-74.
Editor : Too Too Myint Thein
Illustrator : Graphic

တစ်နေ့သ၌ …
မိတ်ဆွေများ ခင်ဗျား။ အသင်တို့၏ မိတ်ဆွေဂုရုကြီး၊ အနှီဆရာဂျက်သည် မျက်နှာလည်း မသာမယာ။ နှုတ်ပါးစပ်ဖျား မှလည်း ကွိကွိကွကွ။ ရွတ်ဆိုသမှု ပြုလျက်သကာလ ကျွန်ုပ်နေထိုင် လုပ်ကိုင်စားသောက်ရာ လသာရွှေဆိုင်တန်းဘက်ဆီသို့ ရောက်ရှိလာခဲ့ပေပြီ တမုံ့။ ကျွန်ုပ်သည်ကား ယခုခါသမယ ခေတ်ရေစီးကြောင်း မြောင်းပေါက်များအတိုင်း အလျဉ်းသင့်သလို ထို ထိုသူငါ ကြေးပွားကျချေ၊ အောင်မြင်ကြချေကုန်သော ရွှေဆိုင်လုပ်ငန်းများသို့ တရကြမ်းဝင်ရောက် လုပ်ကိုင်နေချိန် ဖြစ်လတ္တံ့။
ကျွန်ုပ်သည်ကား မာယာမျိုးစုံ မှုန်နံ့သာခြယ် ကံစမ်းမဲအသွယ်သွယ်ဆွယ်ရင်း ဖောက်သည်မျှော်နေ၊ ခေါ်နေချိန်ဖြစ်သ မို့ လွန်စွာအဟောပြောကောင်းမွန်လှစွာတဲ့သည့် ဆရာကြီးဂျက်လို ဂုရုကြီးမျိုးနှင့် တခဏချင်းလျင်မြန်စွာရင်းနှီးရန် များစွာမှပင် မခဲယဉ်းလှချေဟူ။
သို့သော် အကြောင်းတမူ ယခုရောက်လာတော်မူသည့် ဂျက်ဆရာကြီးသည် ကံစမ်းမဲမက်ပြီး အကျွန်ုပ် ဆိုင်မဟာမှ အမာထည် ရွှေအတိုအစများ ၀ယ်ယူစုဆောင်းရန် ခြစ်ခြစ်ကုပ်ကုပ် အသပြာထုပ်နှင့် ရောက်လာခြင်းမဟုတ်ပြီကော။ သူသည်၊ အကြင်ပုဂ္ဂိုလ်သည် လွန်စွာမှအဆောတလျဉ်နိုင်ဟန်ရှိသည့်ဟန်ပန်နှင့် ခါးကိုညွှတ်ကိုင်း၊ လက်နှစ်ဖက်စုံပူးယှက်၍ နှုတ်ဆက် သမှုပြုရင်း အကျွန်ုပ်ပင် အတန်အသင့်မေ့လျော့နေပြီဖြစ်သည့် စကားအရာအချို့နှင့် ဆိုလှာ၏။
အကျွန်ုပ်သည် တမူဆိုကား “အစ်ကိုရေ … အစ်မရေ …ဘာဝယ်မလဲကြည့်ပါ၊ စိတ်တိုင်းကျ ရွေးချယ်လို့ရပါတယ်။ အထဲကို ၀င်ကြည့်ပါနော်” စသည်တဲ့ ဈေးခေါ် ဧည့်ကြို စကားချိုချိုများကိုသာ ကြိမ်ကြိမ်ဖန်ဖန် ထပ်ထပ်ဆင့်၍ ခေါ်ပြောနေရုံ နှင့်သာ တစ်နေ့တာ အချိန်များစွာ၊ များစွာတို့ ကုန်လွန်ခဲ့ပြီးသမို့ မိမိတို့ပိုင် ဝေါဟာရအချို့ပင် မေ့လုမေ့ခင် အသုံးမ၀င်တော့ဘိ ကဲ့သို့ပင်တည်း။
လသာမြေသို့ ချဉ်းနင်းရောက်လာ ဂျက်မာစတာသည် ထိုမှဤမှ တဆင့်တက်၍ ၀ါကျတချို့ ဆက်၍ဆက်၍ ပြောလေ ပြန်ရာ အကျွန်ုပ်သည်ပင် မနည်းအာရုံပြု နားစိုက်စိုက်ထောင်ရလေသည်။ အကြင်ထိုလူကား စကားအရာပြောဆိုလှာလျှင် သွက်သွက်လျင်စွာ ရှိနေပါ၍ ကျွန်ုပ်တို့၏စကား သင်ကြားခြင်းပြုလျှင် လွန်စွာမှ တတ်မြောက်လွယ်သူ ဖြစ်ပေချိမ့်မည်။ အနှီ ထို ဂျက်ဆရာကွမ်းခြံကုန်းသည် ရွှေလည်းတစ်ရွေးသားမ၀ယ်၊ ပိုစတာပြက္ခဒိန် အစရှိသည့် ကံစမ်းမဲမဟာကိုလည်း မတောင်း။ ဈေး ၀ယ် တစ်ယောက်စ၊ နှစ်ယောက်စ ရှိနေသည့် ကျွန်ုပ်ဆိုင်အတွင်း ရင်ဘတ်ကြီးကော့ခါကော့ခါ နယ်စားမင်းတစ်ပါးလို ကြွချီ တော်မူ၍ လေးထောင့်ကွက် လက်ရေးလှစာအုပ်တစ်အုပ်ဖွင့်ကာ၊ လှပ်ကာ သွက်သွက်ခါ ရေးချလေ့ကျင့် အားထုတ်သမှုပြုနေပါ ပကော။ အသော့အထေ့များ ရေးသားရာတွင် လွန်စွာမှ ကျွမ်းကျင်နှံ့စပ် လက်ရာမြောက်လှသည့် အသင်တို့၏ မိတ်ဆွေတို့၏ ဂုရုကြီးသည် ယခုမူ အဘယ်သူ မေတ္တာတော်ပို့သလိုက်သည်မသိ ကြီးစွာဒုက္ခရောက်နေဟန် ရှိသည်၏တည်း။
+ + + + +
“အစ်ကို … မအိပ်သေးဘူးလား၊ ဆယ်နာရီခွဲတော့မယ်လေ။ မနက်ဖြန် ရှစ်နာအတန်းလည်း ၀င်ရဦးမယ် မဟုတ်လား”
ဗုဒ္ဓေါ ….မြတ်စွာဘုရား ကယ်တော်မူပါ။ အစ်ကို ဘာတွေပြန်ပြောလိုက်တာပါလိမ့်။ စကားသံ လေယူလေသိမ်းတွေ ကတော့ နားယဉ်ပြီးသားအသံ။ အစိပ္ပာယ်ကတော့ တီဗီမှာလို စာတန်းမထိုးသဖြင့် လုံးဝနားမလည်။ အိပ်ချင်မူးမူးထလာခဲ့ပေ မယ့် မျက်လုံးတို့ ဆန့်ထွက်ပြူးကျယ်သွား သယောင်ယောင်။ အစ်ကိုကမူ တီဗီရှေ့တွင် နားတစ်ဖက် ရှေ့ပိုရောက်စေရန် လည်ကိုလိမ်၍ ဆောင့်ကြောင့်ငုတ်တုတ် ထိုင်နေရင်း ဘယ်လက်ဖ၀ါး မေးကိုပင့်ထောက် စိတ်ပါဝင်စား အာရုံမများလိုဟန်နှင့် ရှိ နေလေသည်။ အစ်ကို ဘာတွေများ ….
အိပ်ခန်းတွင်းဝယ် စိုးရိမ်ကြောင့်ကျ ပူပန်မှုကင်းရှင်းစွာ နှစ်နှစ်ခြိုက်ခြိုက် မက်မက်စက်စက် အိပ်မောကျနေသည့် သမီး နှင့်သားကို ငေးမောကြည့်နေမိသည်။ စိတ်ထဲမှလည်း တစ်စုံတစ်ရာ မသိနိုင်ရခြင်းကြောင့် လေးလေးပင်ပင် ဖြစ်လာ၏။ ပြန်စဉ်း စားမိသမျှ အခါကာလ အချိန်ကြာကပင် အစ်ကိုတစ်ယောက် သတင်းစာတွေမပြတ်ဖတ်၊ အလုပ်ခေါ်စာတွေကြည့်။ သက်ပြင်း တွေ ခါခါချ။ ဒါတွေတော့ ဖြစ်ခဲ့ဘူးသည်။ ခက်ကပြီ … လက်ရှိ အစ်ကို ၀ါသနာပါရာ အောင်မြင်နေသည့် စာရေးခြင်းအလုပ်၊ စာသင်ခြင်းအလုပ်တွင် ဘာများအခက်တွေ့နေရပါလိမ့်။ အစ်ကိုသည် ချစ်လှစွာသော ပါရမီဖြည့်ဘက်အပေါ် တစ်သက်လျာ လုံး အမုန်းမရှိ ပကတိပွင့်လင်း ရင်းနှီးတိုင်ပင် နှီးနှောခဲ့ပါလျက် ယခုတမူ …. ရင်ပူအောင် လုပ်ချေပြီလား …
+ + + + +
ကာလအတန်ကြာလာသော တစ်နေ့သ၌ …
ပညာအရာ လေ့လာဆည်းပူး သင်အံမကုန်နိုင်အံ့သော သင်တို့၏မိတ်ဆွေကြီးနှင့်ကျွန်ုပ် လက်ဖက်ရည်လေးတစ်ခွက် ၀ယ်သောက်စိမ့်ကြရန်အလို့ငှာ မဟာဗန္ဓုလပန်းခြံလမ်း ကုသိုလ်ဖြစ်ဆေးရုံလေးရှေ့ ယောက်လည်လည်လုပ်နေခိုက်။ ထိုဤ အခိုက်အတန့် ကာလလေးသ၌ -
“ဟေ့လူ ကိုမောင်ရင်ဂျက်ရ၊ ခင်ဗျား ကျွန်တော်တို့ကို အဆက်ဖြတ်ထားတာကြာပြီ၊ ဘာတွေများ လုပ်နေတာလဲ” ပိန်ရှည်ပိန်ရှည် ပုလင်းကွဲမှန် ကော်ကိုင်းမျက်မှန်မည်းနှင့် ပိုးဟပ်ဖြူ ကဗျာဆရာလေးက လေးလေးပင်ပင် အငမ်းမရ မေးလှာ သည်။
“အေးဗျာ၊ ခင်ဗျားဘာတွေ လုပ်နေတာလဲ။ ခင်ဗျား မလာတာကြာလို့ တွေ့ချင်တဲ့ ခင်ဗျားမိတ်ဆွေတွေ ကျွန်တော့်တိုက် ခဏခဏလာရှာနေကြတာ” အသားညိုညို သီချင်းဆိုတဲ့ အယ်ဒီတာလေးကလည်း အတွေ့ရကျဲသွားသည့်အတွက် မကျေမနပ် အားမလိုအားမရ ဖြစ်ကာနေသည်။
အနှီပုဂ္ဂိုလ်၊ ထိုပုဂ္ဂိုလ်၊ အကြင်သူတော်စင်တို့၏၊ ထို့ပြင်မခြား မိတ်ဆွေများတို့၏ ဆရာကြီးဂျက်သည် မပြောမဖြစ်၊ မရှင်းမဖြစ် ရှင်းရလင်းရတော့ပေမည်မို့ ကျွန်ုပ်အား ခွင့်ပန်သည့်ဟန် ဝေ့ခနဲဝိုက်ခနဲ တစ်ချက်ကြည့်တဲ့ပြီး သကာလအခါ၌ နှုတ် ခမ်းပြာနှစ်လွှာရှေ့ ညာလက်သီးစုဆုပ်ကာ ချောင်းတစ်ချက်ဟန့်၊ သည့်နောက် စကားတချို့ထစ်အ စီစဉ်မဲ့စွာ ပြောဆိုလေတော့ သတည်းဟူ။
“ကျွန်တော် အလုပ်ခေါ်စာတွေတွေ့ … ဖတ်၊ ဒီမှာ တွေ့ …လား။ ကျွမ်းကျင်စွာ ရေး …တတ်။ ဖတ် ..တတ်။ ရမယ်။ ပြောလည်း နိုင်ရမယ်။ ဒါမဟုတ် … မဖြစ်ဘူး။ ဒါ … အဲဒါ လုတို့မဂ္ဂဇင်းတွေ၊ အယ်ဒီတာမင်းတွေ အဲသလို ၀ကိုရေးခိုင်း တစ်နေ့ ရောက် …. ၀ဘယ်လိုလုပ်မလဲ။ ဒီလိုရေးခဲ့မှ စာမူလက်ခံမယ်ဆို ဂျက် ဘယ်လိုလုပ်မလဲ။ ၀ဂျက် …စာများများရေးပြီး ပေးနိုင်မှ ထမင်း၀၀ စားရမယ်လေ”
ထိုသရောအချိန်အခါ၌ ကျွန်ုပ်သည်ကား ဤမျှဤနှယ် အမြော်အမြင် ကြီးလှစွာသော မိတ်ဆွေတို့၏ ရှီးဖောမဟာ ဂျက် ဆရာဂုရုကို မလေးမစား မခန့်မထည်ပဲ အဘယ်မှာ နေနိုင်အံ့တော့မည်နည်း။
တွေ့ ….တွေ့ ….။
အားရာရား

“စိန်ခဲမြခဲ … ထိန်ထိန်ကြဲ´´

“ဆရာကြီးလာပြီ ..မျက်လှည့်ပြတော့မည်´´
“ဆရာကြီးလာပြီ ..မျက်လှည့်ပြတော့မည်´´
“ဆရာကြီးလာပြီ ..မျက်လှည့်ပြတော့မည်´´

ကျွတ်ကျဲနေတဲ့ ၀ါးထရံပြဲကြားက ကလေးတွေရဲ့ ၀မ်းသာအားရအော်သံ။ `မည်´ နဲ့ အဆုံး သတ်တော့ သံပြိုင်ညီညာ စာဆိုနေ သလိုလို။ ဖုန်အလိမ်းလိမ်းထ မြေစိုက်စာသင်ခန်းလေး။ ကျောင်းရှေ့မျက်နှာစာတလျောက် ဖြတ်သန်းသွားတဲ့ လှည်းလမ်းကြောင်း။ သံလှည်းဘီးရာ ချိုင့်ခွက်ကျော်ခွပြီး ဆရာကြီးဦးပိန် ကျောင်းဝန်းထဲဝင်လာနေတယ်။ မည်းမည်း ညစ်ညစ် တိုက်ပုံအင်္ကျီအနားစလေး အညာလေပူမှာ တဖျတ်ဖျတ်လွင့်လို့။
အစီခံထိ မီးကြွမ်းနေတဲ့ သောက်လက်စ `၀င်း´သေးရှည်ဖက်ဆေးလိပ် မြေပေါ် ပစ်ချ၊ ရာဘာမြီးတိုနဲ့တက်အနင်း အမှန်းအဆလွဲပြီး ကွဲအက်နေတဲ့ ဖနောင့်သားမာမာကြီး ဆေးလိပ်မီးလောင်ပါလေရော။ ဆေးလိပ်မီး အပူကြောင့် ခြေလှမ်းပျက်သွားတဲ့ ဆရာကြီးကို ကလေးတွေ ဂရုမထားမိပါဘူး။ ပျော်လွန်းလို့ ဆရာကြီးလာပြီ … မျက်လှည့်ပြတော့မည် … ဆိုတာပဲ ဆက် အော်နေကြတယ်။
ပိစိကွေးတွေ ဆူညံပွက်လောရိုက်နေတဲ့ စာသင်ခန်းထဲ မျက်နှာထားတင်းတင်း ၀င်လာတဲ့ ဆရာကြီးဦးပိန်၊ ဆေးနက်သုတ်ထားတဲ့ ယမနေသား သင်ပုန်းကြီးကို ၀ါခြမ်းပြားနဲ့ သုံးလေး ချက် ပုတ်လိုက်တယ်။ ဆူသံညံသံ ခဏငြိမ်သွားတယ်။ စာသင်ဖို့ သင်ပုန်းစဖျက် တယ်ဆိုရင်ပဲ မျက်လှည့်ပြတော့မည် …ဆိုတဲ့အော်သံတွေ ပွက်ပွက်ဆူလာပြန်တယ်။ သုံးလေး ခွန်းနဲ့ မရပ် ဆက်အော် နေကြတော့ ….
“ဟေ့ကောင်တွေ … တော်ကြစမ်း၊ ရပ်ကြစမ်း´´
သင်ပုန်းကြီး တဗြန်းဗြန်းမြည်အောင် ထပ်ပုတ်လိုက်ရပြန်တယ်။ ဆရာကြီးအသံက ထန်ထန်ဆတ်ဆတ်ပေမယ့် ကလေးတွေ အကြောက်အလန့်မရှိ။ ကြွက်စီပွက်စီ လုပ်ချင်တုန်း။ ဒီအလှုပ်အရွလေးတွေ မသိချင်ယောင်ဆောင်ပြီး ဆရာကြီး ပိန် သင်ပုန်းအလယ်မှာ `၀လုံး´ ကြီးကြီးတစ်လုံး ၀ိုင်းချလိုက်တယ်။
“၀လုံး´´
တစ်ယောက်မကျန် စာအံတဲ့အသံ။ အမိဝမ်းကအထွက် `အူဝဲ´အော်ခဲ့ကြတာရယ်၊ သူငယ်တန်းအတက် `၀လုံး´လို့ ကြုံးကြုံးပြီး အော်နေကြတာရယ် လူသားရဲ့အစ ကနဦး အားမာန်တွေလို့ မြင်လိုက်မိတယ်။ ပန်းချီတော် ဆြာဝလုံးဆိုတာ ငယ်ငယ်တုန်းက ဒီလို ကြုံး အော်ခဲ့ဖူးလို့ ရှိမှာပါ။

+ + + + +

ကျောင်းနေစအရွယ်မို့ ကျောင်းတက်ချိန် မိဘတွေအိမ်ပြန်တော့ ငိုကြယိုကြ။ ဆူညံပွက်လောရိုက်။ နှပ်ထွက်အောင် ငိုရလွန်းလို့ မနက်စောစော အမေလိမ်းပေးလိုက်တဲ့ သနပ်ခါးထူပြစ်ပြစ်မှာ နှပ်နဲ့ မျက်ရည်တွေ။ သူရို့ လက်ဖနောင့်သေးသေး လေးတွေနဲ့ ဗုံ ပတ် စာ နယ်သလို နယ်ကြတော့ မည်းချိတ်ပေတူး။ ကြက်သားအုပ်မကြီးတောင်ပံ အပြင်ရောက် ကြက်ပေါက်စလေးတွေလို တစာစာအော်ရင်း ခိုကိုးရာမဲ့။ အခုတော့ ဆရာကြီးပိန်ရဲ့ မျက်လှည့် ခန်းမှာ အနာဂါတ် ရဲ့ ထူးချွန်ပြောင်မြောက်မယ့် ကျောက်ကောင်းလေးတွေ ရယ်မောပျော်ရွှင် တလက်လက်တောက်ပ။
သင်ပုန်းပေါ်က ၀လုံးကြီးအောက်ခြေ အ၀တ်စမည်းကြီးနဲ့ အသာတွန်းဖယ်ဖျက်လိုက် တယ်။ ဟောကြည့်။ ဆရာကြီးပိန် နောက်ဗျည်းတစ်လုံး တက်လိုက်ပြန်ပြီ။
“ဂငယ်´´ …..
ဒါကိုပဲ ကလေးတွေက မျက်လှည့်ပြတယ်ပြောတာ။ ဆရာကြီးပိန် ကလေးတွေကို စာသင်မယ်မပြောဘူး။ ဒီလောက်ငိုယိုနေကြတာ စာသင်မယ်ပြောရင် ဘယ်အငိုတိတ်မလဲ။ ဟေ့ ငိုနေတဲ့ကောင်တွေ အငိုရပ်ကြ၊ ဒီနေ့ မျက်လှည့်ပြမယ် လုပ်လိုက်တော့တာပေါ့။
သင်ပုန်းမည်းကြီးပေါ်က ဂငယ်ကို မြေဖြူနဲ့ပြန်ဆက်။ နောက်တစ်မျိုး ဖျက်လိုက်ပြန်တယ်။
“ငငယ်´´ …..
မည်းမည်းခြောက်ခြောက်မျက်နှာ၊ ချိုင့်ခွက်နေတဲ့ မျက်တွင်းနက်ထဲက မျက်လုံးပြူး ကြီး ၀င်းကနဲဖြစ်သွားပြီး ….
“ဟေ့၊ `င´ဆိုတာ တစ်သံတည်း။ မှတ်ထားစမ်း။ လိုက်ဆို … `င´
“င´´
တက်တက်ကြွကြွ မြိုင်မြိုင်ဆိုင်ဆိုင် အော်သံတွေ စီညံနေဆဲ `င´ကို ပြန်ဆက်ပြီး အပေါ်ဘက်ကို ဖျက်ပြလိုက်တယ်။
“ပ´´
ဗြန်း …ဗြန်း ….ဗြန်း ….
“ပစောက်´´
သင်ပုန်းကြီးပေါ် ၀ါးခြမ်းပြား တဗြန်းဗြန်းရိုက်သံအဆုံး ကလေးတွေ နောက်တစ်ကြိမ် ထပ်ဆိုတယ်။ စာသင်ခန်း ၀ါးထရံ မဟုတ်ဘူး၊ အမိုးဝါးကပ်တွေ လန်သွားအောင် အော်ဟစ် နေကြတာ။ ဆိုကြစမ်း၊ အော်ကြစမ်း။ သစ်သားသင်ပုန်းကြီး ဗြန်းဗြန်းမြည်လို့။ မြေဖြူမှုန်တွေ တဖွားဖွားလွင့်လို့။ ဗွမ်းကနဲ ဂေါ်နဲ့ပက်တင်လိုက်တဲ့ မြေစာထဲက ကျောက်ကောင်းလေးတွေ၊ အရောင်လက်လက်လေးတွေ ငေးကြည့်ရင်း ဆရာကြီးပိန် သွားကျိုးတွေပေါ်အောင် တဟဲဟဲ ရယ်လို့။ ဟစ်ဟော့ပ် ဂီတစင်မြင့်ပေါ်က လူငယ်ဂီတသမားလေးတွေလို မြူးကြွစိတ်အဟုန်နဲ့။

+ + + + +

“ဆရာကြီးလာပြီ ..´´
“ဆရာကြီးလာပြီ ..´´
“ဆရာကြီးလာပြီ ..´´

မည်းမည်းညစ်ညစ် ကွမ်းချေးအရစ်ရစ်ထနေတဲ့ သုံးဆယ့်နှစ်ချောင်းပေါ်အောင် အော်ပြောလိုက်တဲ့အသံကြောင့် ခုံတန်းလျားတွေမှာ စုရုံးထိုင်နေကြတဲ့သူတွေ လှုပ်လှုပ်ရွရွ ဖြစ်ကုန်တယ်။ ကြွက်စီပွက်စီ နိုင်ကုန်တယ်။ တချို့ကလည်း တွဲကူထူမ နေရသေးတာကိုး။ ဒီ ခုံတန်းလျားတွေက ပလက်ဖောင်းမှာ ဆရာကြီးကား လျောကနဲငြိမ့်ကနဲ ၀င်ရပ်နိုင်အောင် နေရာဦးထားတာ။ ကားလာတော့ ခုံရွှေ့မယ်။ ဒီလမ်းထဲ ကားချိုးကွေ့မ၀င်ခင်ကတည်းက ဆရာကြီးကားမောင်းတဲ့ ဒရိုင်ဘာက ဟန်းဖုန်းနဲ့ ကြိုဆက်လိုက်တာ။ နေရာဖယ်ပေးထားပေါ့။
လေးဘီးလုံးမောင်းနှင်နိုင်သည်ဆိုတဲ့ မှန်လုံပိတ်၊ အဲကွန်းဖွင့် ကားဖြူကြီး နီယွန်မီး တွေ တလက်လက်တောက်ပနေတဲ့ ဆေးခန်းကြီးရှေ့ သိမ့်ကနဲ ထိုးရပ်လာတယ်။ လည်စီးတွေ၊ ဘွတ်တွေနဲ့ အနောက်တိုင်းဝတ်စုံကို အနောက်တိုင်းသားလို ဟန်ကျပန်ကျ ၀တ်ဆင်ထားတဲ့ ဆရာကြီး အေးစိမ့်နေတဲ့ မှန်လုံခန်းကားဖြူကြီးပေါ်က ဆင်းလာတဲ့ပြီး လူနာမင်းပရိတ်သတ် အလယ် တစ်ဒေါက်ဒေါက် ဖြတ်လျှောက်။
`ဆရာကြီး …လာပြီ…´ တီးတိုးပြောဆိုသံတွေ ဆင့်ကမ်းသွားတာနဲ့အမျှ လူနာတွေ ဆရာကြီးအခန်းဝ တန်းစီတိုးခွေ့ ပြီးဖြစ်သွားတယ်။ မျက်စိတစ်မှိတ် လက်ဖျစ်တစ်တွတ်။ ဘတ်စ်မှာ လက်မှတ်ရောင်းတွေ လူအတင်အချလုပ်သလိုမျိုး … ဟောတစ်ယောက်၊ ဟော.. တစ်ယောက်။ လက်ဖြားလေး၊ နားကြပ်ဖြားလေးနဲ့ အတို့အထိခံပြီး ပြန်ထွက်လာကြတယ်။ ဆရာကြီး အခန်းက ထွက်လာပြီး ဆေးကောင်တာ သွားရပါတယ်။ ဒီနေရာမှာတော့ ၀ယ်ရတဲ့ ဆေး အမယ်များတဲ့အပြင် တစ်ပတ်စာ၊ တစ်လစာ၊ တစ်နှစ်စာ ၀ယ်နေရတာကြောင့် တစ်ယောက်, တစ်ယောက် တော်တော်ကိုကြာပါတယ်။

+ + + + +

မိုးစိုပြီးနေထိတဲ့ ပဲစဉ်းငုံရိုးခြောက်လို ပိန်လှီမည်းခြောက် အစက်အပြောက်တွေထနေ တဲ့ ဆရာကြီးပိန်လည်း တန်းစီတဲ့ အထဲပါတယ်။ တိုကင်နံပါတ် ရာကျော်နေသမို့ ထိုင်စရာမရှိ ရပ်နေရတာကလည်း ခါးလည်ကထက်ပိုင်းကျိုးကျလုမတတ်။ နွမ်းဝေမူးနောက် အသက်ရှူမ၀ နိုင် ဖြစ်နေတာမို့ တိုကင်ခေါ်သံကြားရအောင် မဒမ်ပိန်ကို တန်းစီမှာထားခဲ့ပြီး ဆေးခန်းအပြင် ထွက်ခဲ့တယ်။ ထိုင်ခုံအပြည့်သာ လူတင်သည်ဆိုတဲ့ ဘတ်စ်တွေထက်ကြပ်တဲ့ ဆေးခန်းကြီး ပါ လား ဟရို့။
ဆေးခန်းအ၀င် ရေစိုပြီးကြွရွနေတဲ့ ဂမုန်းအိုးကြီးတွေခြေရင်း ရာဘာဖိနပ်မြီးတို ဖင်ခု ထိုင်လိုက်တယ်။ ချွေးစေးတွေ စေးထန်းသွေ့ခြောက်သွားတဲ့အထိ ပန်းအိုးကို ပုခုံးနဲ့မှေးပြီး မှိန်းနေတုန်း နားစည်ထဲကြွက်တိုးသလို ယားကျိကျိအသံ တိုးဝင်လာတယ်။
“အမား ဘက်ချိBed Sheet နဲ့ စရင်း Syrun တွေရပြီလား´´
“ဟဲ့၊ သေနာကျ …။ ဒီလောက်လူရှုပ်နေတာ။ ဆန်းဒေးမှ လာပါလား´´
“ဆောဒီး …အမား။ ဆောဒီး ….´´

+ + + + +

ဆရာကြီးပိန် အိမ်ရှေ့ကပြင်မှာ ခွေခွေလေးလှဲအိပ်နေတယ်။ ကြပ်ခိုးမှိုင်းမှောင်နေတဲ့ မီးဖိုဆောင်ထဲ ထမင်းရည်ခံနေတဲ့ ကွမ်းတ၀ါးဝါး မဒမ်ပိန်က …
“ညနေကျ ဆေးခန်းထပ်ပြလိုက်ရအောင်ပါတော်´´
“နင်တို့ … ပိုက်ဆံ အဆင်ပြေလို့လား´´
“အို … တော့်ကျန်းမာရေး ပိုအရေးကြီးပါသတော်´´
“ဘယ်သွားရှာမလို့လဲ´´
“ဟိုက ဒီက၊ ခဏလှည့်ရမှာပေါ့။ ရော့ရော့၊ အားပြည့်သွားအောင် ထမင်းရည်ပူပူလေး မှုတ်သောက်လိုက်ဦး´´
“အေးပါဟာ …. …. ´´
ကလေးငယ်တွေကို မျက်လှည့်ပြကျွမ်းကျင်ခဲ့တဲ့ ဆရာကြီးပိန်၊ မဒမ်ပိန်လိုတော့ လက်လှည့်မကျွမ်းကျင်ပါဘူး။ စိုထိုင်းနေတဲ့ ၀န်းကျင်ရဲ့အနံ့အသက် ပင့်သက်နဲ့ငေးမော။ အေးပါဟာ …. လေသံပြော့လေးလည်း ညနေခင်းရဲ့ချဉ်စူးစူးလေထုထဲ စူးဝင်နစ်မြုပ်။

+ + + + +

ဒီတစ်ကြိမ်တော့ ဆရာကြီးပိန် ကံကောင်းပြီ။
အခုမှ သူ့ရောဂါ သူပြချင်တဲ့ဆရာကြီးနဲ့ ပြရပြီ။ ဟိုတစ်ပါတ်မှာတော့ တိုကင်နံပါတ် သာမက၊ တိုကင်ရက်ပါဝေးနေလို့ ကြုံရာကျပန်း ပြလိုက်ရတယ်။ နောက်တစ်ပါတ် ဆက်သွား တော့ ဆရာကြီး ရိပ်သာဝင်နေတာနဲ့ သွားကြုံတယ်။ နောက်တစ်ခါ `ဒီနေ့ …ဆရာကြီးသမီး မွေးနေ့ရှိလို့ လူနာ အယောက်တစ်ထောင်ပဲ ကြည့်ပါမယ်။ တစ်ထောင့်တစ်ကစပြီး နောက်သုံး ပတ်ခွာ ချိန်းပါ့မယ်။ တိုကင်တွေ အရမ်းများနေလို့ပါ´တဲ့။ မိုးကြိုး အတည့်လိုက်ပစ်။ ယုံပါဗျာ။ သုံးပတ်မစောင့်နိုင်တဲ့ ဆရာကြီးပိန်ကတော့ ဆေးမီးတိုနဲ့ ပြီးလိုက်ပါတယ်။
စမ်းသပ်ခန်းထဲမှာ ဆရာကြီးကို ဖြစ်ကြောင်းရယ်ကုန်စင် နတ်သံနှောပြီး ဒီဂျေဆွဲလိုက် ချင်ပေမယ့် အတို့အဆိတ်လေးနဲ့ ထွက်လာခဲ့ရပါတယ်။ ကိုယ်က Exam Bed ပေါ် တက်လှဲတဲ့ အချိန် နောက်လူနာတစ်ယောက်ခေါ်သွင်းထားပြီလေ။ စားဆေးသောက်ဆေး တစ်မျက်နှာပြည့် ရေးနေတဲ့အချိန်ပဲ နည်းနည်းကြာတယ်။ စိတ်လည်းနောက်၊ အိပ်လည်းပေါက်နေတာမို့ ဆေး မ၀ယ်ပဲ ပြန်မယ်လုပ်ပေမယ့် ဆေးမှတ်တမ်းစာအုပ်က လူနာနဲ့တပါတည်း ပြန်ပေးလိုက်တာ မဟုတ်။ စမ်းသပ်ခန်းကနေ ကောင်တာကို တိုက်ရိုက်ရောက်သွားတာ။ ဒါနဲ့ပဲ ဆေးကောင်တာ မှာ တစ်ရက်စာပဲပေးပါ သမီးရယ်လို့ တောင်းတောင်းပန်ပန် လုပ်ခဲ့ရတယ်။
ကောင်တာကအထွက် ခပ်သော့သော့ရေးထားတဲ့ အေဘီစီဒီလေးတွေ ကြိုးစားပြီး ဖတ်ကြည့်မိတယ်။ ဒါကိုမြင်တဲ့ လူနာရည်ဝနေတဲ့ ပွင့်မော်ဒယ်ကြီးတစ်ယောက် ဆရာကြီးပိန် အနားကပ်လာပြီး …
“အဘ … ဖတ်မနေနဲ့။ သူရို့ Chemical Name မရေးတော့ဘူး။ Trade Name, Company Name ပဲ ရေးတော့တာ´´
“သြော် … သြော် …´´
အပြင်မှာ ဆေးဝယ်ဖို့ မလွယ်တော့။ ဆေးကောင်တာရောင်းဈေးအတိုင်း ၀ယ်နိုင်သ လောက်သာ ၀ယ်တော်မူကြပါကုန်လော့။ တစ်ရက်စာ ၀ယ်လာတဲ့ ဖန်တက်စ်စစ်ကာလာစုံ ဘယ်လိုပုံ၊ ဘယ်လိုဝါး၊ ဘယ်လိုမျိုရမှန်း မသိတာကြောင့် ဆေးမှတ်တမ်းစာအုပ်ညိုလေး မဒမ်ပိန့်လက်ထဲဖျစ်ညှစ်ထိုးထည့်ပြီး ကောင်တာသွားမေးဦးကွာ လုပ်လိုက်တယ်။ တစ်နာရီ ကျော် ရပ်စောင့်နေခဲ့ရတာမို့ နွမ်းဖတ်ပြီး မဟန်နိုင်တော့ဘူး။ ဖင်ထိုင်ချဖို့ နေရာလေး တစ်နေ ရာ ကြိုးစားပြီးရှာကြည့်မိတယ်။ ဆရာကြီး ကားရပ်ထားလို့ ထားစရာမရှိတဲ့ ခုံတန်းလျားတွေ ဆေးခန်းထောင့် စုပုံထပ်ထားလို့ ထိုင်လို့မရ။ မောင်ဗဒင်သာ ရှိရင် `တစ်နေရာစာ ကိုယ်ဦး ထားတယ်´ ဆိုပြီး ကျေးဇူးပြုမှာပါ။ ဆရာကြီးပိန် မချိမဆန့်အတွေး အဆုံး …..
“ရှင် …ဒီနေ့ ကံကောင်းတယ်မှတ်ပါ´´
“ဟေ …´´
တယ်လည်းဟုတ်တဲ့ ကံပါလား။
“ရှင် အရင်ပြတာ သူ့သားတဲ့´´
“M.Sc ပြီးလို့ ဆေးခန်းလာထိုင်နေတာတဲ့´´
“ဟေ ….´´
“အခု၊ အရင်က သားဆရာဝန်ပေးလိုက်တဲ့ဆေးတွေ အကုန် Off လိုက်ပြီ´´
“Omit ပါကွာ´´
“သိဘူးလေ၊ ကောင်တာက ပြောသလိုပြောတာ´´
“ဟဲ့ .. သူတို့ Nursing တွေ မဟုတ်လား´´
“မနက်ခင်း … ထမင်းချက်၊ ဈေးသွား၊ အ၀တ်လျှော်။ ညနေခင်းဆေးခန်းဝင်ကူဖို့ တောကခေါ်ထားတဲ့ မိတ်ဖု Maid လေးတွေတဲ့´´
“ဟေ´´
“ဟေ …မနေနဲ့။ ဒီတစ်ခါ ဆရာကြီးကိုယ်တိုင်ပေးလိုက်တဲ့ဆေးပါနော်။
တော် သက်သာလာမှာပါ။ ပိုက်ဆံကုန်တာ သမြောမနေနဲ့´´
မနှမြောပါဘူးကွာ။ ဒါပေမယ့် အခုနေအချိန် ငါသာ ကလေးငယ်တွေနဲ့ စာသင်ခန်း ထဲပြန်ရောက်နေမယ်ဆိုရင် တစ်ယောက်ယောက်ကိုတော့ ၀ါးခြမ်းပြားနဲ့ စပ်စပ်လေး ရိုက်မိ မယ်ထင်တယ်။ ၀ိုးတ၀ါးနိုင်လွန်းလှတဲ့မြင်ကွင်း ဆ၀ါးဝါးငေးကြည့်ရင်း ဆရာကြီးဦးပိန် စိတ်ရောက်နေတာက ရောဂါတစ်ဝက်သက်သာသွားဖို့ထက် ချေးငှားလာတဲ့ပိုက်ဆံ မြန်မြန် ပြန်ဆပ်နိုင်ဖို့။
ဆရာကြီးဦးပိန်ဆိုတာ အားကုန်သွားတဲ့ ဓာတ်ခဲတစ်ခဲ။ အလင်းတွေ မကျဲပက်နိုင်တော့ ကုန်စိမ်းဘန်းထဲ ဖင်ပိန်ခါးချိုင့် အလေးဓာတ်ခဲ။ မဒမ်ပိန်သာ နှုတ်ပြန်ပက်တတ်တဲ့အလေ့ရှိရင် ဒီလိုများလားမသိ။
“အို …တော်တို့က ကလေးငယ်ငယ်တွေကို မျက်လှည့်ပြနည်းကအစ သင်ပေးလိုက်တာကိုး´´

အားရာရား

ကျွန်တော့်သူငယ်တန်းဆရာ
ဦးသောင်းနိုင် @ ကုလားဆရာကြီး @ ဆရာကြီးဦးပိန် (အထက၊ မလှိုင်)
အတွက် အမှတ်တရ ရေးဖွဲ့ပါသည်။